晚餐之茄汁蝦

又星期日啦，今早起身就煲咗湯，整咗早餐一家食完，二個女就各自做嘢，我同老公就出老豆到，有二個星期日無出去同老豆飲茶，一個星期去拜媽，另一個星期就拜老爺奶奶，無見老豆二個星期，今日見到我哋好開心，去飲茶時食咗好多嘢，飲完後就同老公回家，諗住買麵粉點知今日最後一日，好多嘢都清哂，一包粉都無去咗惠康買貴些少，之後就去街市買餸，成個星期都喺一煲過煮粉麵，今晚先正式煮，買咗條班個魚老極力推薦話啲蝦好食，豉油最好味，最後買咗斤回家，阿妹話上嚟，將蝦用茄汁煮喺細妹最愛，見好耐無食鴨，炒多個菜又開飯

產後食療之蟲草鮮響螺燉烏雞

早幾日燉咗個烏雞湯比媽咪，今次喺用咗鮮響螺，喺婆婆專登買過嚟比囡囡補身，未開想新鮮啲，第一次開其實都好難搞，但最後都搞掂，因為想攞部份去炒，所以唔想整熟先，呢個湯滋補養顏生完十日就可以開始飲，配烏雞同燉補而不燥

冬蟲夏草本身的具有的調節人體多個器官抗菌消炎、氣血雙補、滋陰養顏的作用等都在幫助產後婦女恢復元氣、提高體質等方面發揮著神奇的作用

響螺肉中含有大量的蛋白質和無機鹽,以及豐富的維生素A、鐵和鈣, 有增強免疫能力，滋陰養顏的功效

材料：蟲草10條，鮮響螺一只，烏雞半只，瘦肉$10，杞子1湯匙，元肉10粒，淮山2片

 先將響螺起肉

 響螺，烏雞去皮同肉一齊出水

蟲草只需用暖水先浸幾分鐘就可以去污不用洗刷

 其它材料洗淨，全部材料入燉盅

 加入滾水浸過面数3個鐘

燉好後就可飲用，最好將蟲草全部食哂

產後食療之姬松茸蟲草花蒸排骨

其實坐月唔係大家諗咁悶，呢樣唔食得，果樣又唔食得，今次介紹呢個有營養又適合生完BB的媽咪食又多一個選擇姬松茸，姬松茸煲湯大家應該飲得多，但做餸就會少或者未試過，早幾日就用咗蟲草花加姬松茸去蒸排骨，味道好香好好味，大家又可以一試

姬松茸性平味甘，有健腦益腎、扶正補虛，益氣扶正、補腎滋陰的功效

蟲草花性平，溫有增強免疫能力，有補肺腎，自汗盜汗，腰膝酸軟等功效

材料：飛排$30（呢個部位蒸出喺的排骨軟淋），姬松茸10只，蟲草花1湯匙，薑絲1茶匙
調味：豉油1湯匙，糖半茶匙，水1湯匙，生粉1湯匙，油半茶匙
先將排骨洗淨加入調味，先豉油糖撈勻加入生粉，最後先加油再撈勻

 姬松茸先用水浸軟搾乾水去腳

先將排骨放入碟，面放上姬松茸同蟲草花，薑絲

 入蒸爐，蒸25分鐘，
如果明火水滾後大火蒸15分鐘再焗5分鐘就可以

簡單的假日早餐

話咁快又一星期啦，雖然今早可以瞓晏啲，但都7點幾起咗身，昨晚叫老公買咗湯骨同鯪魚咁就煲咗湯先，開工後都好忙每晚回家都7點幾8點，只喺去超市買菜，肉回家煮粉麵，家中各人都好好煮咩咩嘢都食，有時真的太夜就會喺味皇，其實她們都唔喜歡，令願一煲過簡單食，今早大家都好早起身，二囡趕功課，老公話見我起咗自己都唔想瞓，咁就摷雪櫃簡單整咗早餐食完各自做嘢，雖然簡單的食物同短短的時間都會傾下講下，最開心都係一家人開心一邊食一邊傾

晚餐之老公煮

開咗工個幾星期都好忙，都無時間上嚟，通常剛開始一定忙，如果媽咪想餵人奶，好多時喺醫院唔識處理，BB未食得好媽咪塞咗又未必知，只覺得自己無，是實上每個媽媽有bb開始身體就會自然準備奶，差唔多生時有啲媽咪發現有奶出，所以奶每個媽媽都會有只係點先可以做好啲做多啲，通常喺醫院幾日處理唔好，回家就多數塞，咁所以初開工一定好忙，本身要處理的工作會多再跟個乳房就更忙，呢個媽媽有二個工人，一個湊大同學習幫手湊剛出世的，另一個就跟清潔同幫手做其它，呢個媽媽對啲工人姐姐好好，所以她們都好合作，大做得耐容易跟，但細的因新嚟又好難溝通，只有慢慢教同重覆又重覆，希望她好快上手同明白做咩，因我希望完工時她們可原全接手可以繼續照顧媽咪同bb, 呢個仔都算乘同好特別，其它bb多數發生完事先喊嚟通知我哋，但呢個就先喊話我哋知，好似大便就喊咗先跟住就會去大便，有唔舒服就喊先等我哋知道，如果咩嘢事都無就食飽瞓，咁就可以有時間做下嘢，雖然有二個姐姐幫手我都好似好忙，晚晚都6點幾7點先走返到家都8點幾所以晚晚都係簡單一煲過煮菜，丸同粉麵，今日星期日都好忙，早上去拜老爺奶奶後就趕入天水圍同一個新媽媽傾，其實太遠我之前已經推咗但她好想我幫手，最後都簽咗有時間就一個月，無就半個月，一星期都可以咁我就答應咗，傾完5：30又趕回家又7點，好彩老公買咗餸同煮好，我返到去買咗明天媽咪要的嘢就回家開飯，老公見成個星期都係食粉麵今晚就食好啲，拜完老爺奶奶已經有雞同肉，只係再加蝦，魚同菜，簡單同老公講點整所以返去就有得食，

呢個星期煮比媽咪的部份的午餐同晚餐，其實如果媽咪咩嘢都食，坐月都唔會無食得好悶，一樣食得開開心心

海參冬菇雲耳炆排骨，蟲草花蒸肉餅

甜豆鮮百合炒豬腰肉片

 杞子元肉蒸排骨

 檸檬排骨，合掌瓜炒肉眼根

晚餐之豉汁蒸排骨拌茄子

每日隨咗星期日通常都6點半起身，因為要整早餐，午餐盒搞掂各人出門只係7點半左右，要返工又遠就自己食完早餐就出門，而家還喺休假中，好多時都會返床休息一下，其實好難再瞓返，有時家姐電話到都立即起身，好似今日家姐又帶孫過嚟，咁又要清潔一下，整定蛋糕，炒飯，菜同雞翼比她們嚟度就有得食，今晚本來約咗班麵包同學食飯，點知有啲突然甩底，咁淨返二個改食下午茶就算，食完回家煮細囡返嚟攞嘢食完先返宿舍，咁就簡單蒸排骨，炒菜，快快手手又開餐

同同學去咗魚香米線食下午茶，其實第一次食，所以同學話事，叫咗個多春魚同牛腩加多個菜，埋單$100，而家食個下午茶都唔平

 少麻辣但都幾辣又唔麻，真係一般

上堂學整抗敏潤膚乳同止痕膏

今日好開心，三月媽咪順利生咗個好靚仔有成7磅重，好快就開工，之前完工見有時間就報咗個講濕疹，點知講就唔詳細原來喺整抗敏乳箱同止痕膏，之前無細睇，諗住都去聽下濕疹的成因之類的，但都有得着，而家咩嘢都DIY今次又學到嘢，用新鮮植物用油炸或油浸後去做cream,原來好簡單有時間都可以去買料玩下，今次喺用金盞花做抗敏cream同用左手香做止狼痕膏，好簡單有齊物料搞搞下就

止痕膏同cream

新鮮左手香喺花墟就買到好易種

 乳花劑可以令cream更滑，細支喺抗菌劑最後搞好試完自己想要的滑度就加3滴就可用半年

原來做cream只係用油加水加乳化劑搞勻就得

呢個喺老師先用油浸咗三個月的金盞花，（最少浸3個月先用得）用前隔咗金盞花就用得

 再加乳花劑

量好用料順時針搞到勻就見到cream壯就可以試下就完成

新鮮左手香先用油炸，炸好隔左啲左手香就可以用

 做止痕膏一定要加蜜臘先定型

先量好需要的油

加適量的蜜臘

量好蜜臘

用熱水座溶蜜臘

將溶液倒入已消毒的盒仔，等10分鐘左右就型固