洋蔥蕃茄豬扒

今日老公休息叫他買定餸咁我就唔世喺老豆哩到買返去, 今早煲左湯只喺淋吓煮咩肉, 叫老公買餸一定要講買咩, 講左咩就咩唔會再加, 阿妹今晚又上來話好耐無食豬紅蘿蔔叫我整咁喺老豆到走時就買定豬紅, 返家又去超市買d肉, 見豬扒幾好就買左返去煮洋蔥, 點知阿妹打來又話想食蕃茄蛋, 唔理咁多, 咁就加多幾只蕃茄去煮豬扒就算 

 材料: 豬扒3件, 洋蔥半個, 蕃茄3只
醃豬扒料: 豉油1湯匙, 糖1茶匙, 水1湯匙, 生粉2湯匙

 先將豬扒洗淨啄鬆

 先將醃料撈勻

 放入豬扒

 撈勻放一邊

 洋蔥同蕃茄洗淨切細

 先將豬扒大火煎香2邊

 轉細火煎熟

 加蓋幫助豬扒快煎熟

 筷子容易插入豬扒就熟

 煎好豬扒先回碟切細件就容易食

 原鑊爆香洋蔥

 洋蔥有香味就加入蕃茄

 煮到蕃茄軟身可加些少水

 就加回豬扒

 加鹽糖試味就搞掂

沙嗲金菇炒肉片

今晚煮左個d女好鍾意食而又好惹味的餸, 但就無粉絲又唔喺肥牛, 無論同同學或者家人出去食飯就一定會叫沙嗲金菇肥牛煲, 而老公就一定無得食, 因為唔食牛, 今次我就用左肉片雖然無粉絲但一樣咁好味, 又同大家分享吓, 唔食牛朋友可以試吓啦

材料: 豬肉半磅, 金菇1包, 青椒1只, 洋蔥1/4個, 紅蘿蔔半條, 
           芽菜半斤, 蔥1棵, 薑3-4片, 沙嗲醬1湯匙
醃豬肉料: 豉油1湯匙, 糖1茶匙, 水1茶匙, 生粉1湯匙

 豬肉洗淨切片

 先加入豉油糖撈勻等肉吸味再加入水撈勻

 最後才加入生粉

 撈勻放一邊

 洋蔥, 青椒紅蘿蔔洗淨切絲, 

金菇先去尾等煮時先沖洗就唔會放得太耐有up味

 先用白鑊烘乾芽菜加2片薑

 芽菜就會無嗅青味同出減d水煮時會保持爽脆

 先將芽菜回碟, 水就倒左去

 加入些少油將豬肉先煎香2邊

 哩個時候就可以將金菇沖洗

 豬肉煎好後就加入洋蔥, 青椒炒勻

 炒到洋蔥有香味就加入沙嗲醬

 炒勻加入金菇

 加入紅蘿蔔絲炒勻試味

 加入芽菜炒勻就可以熄火

 最後加入蔥

 再炒勻就可上碟

芝麻醬沙拉骨

今晚本來早回到家可去街市轉個圈, 點知又走左入超市是關昨晚同那經理講特價貨時時都買唔到, 他就叫我今晚去一定有而且特價做到今日, 點知貨就有但就無特價又見唔到個經理, 問其它人又唔知, 真唔開心買完野又要等半個鐘只得2個收銀浪費時間, 搞到返家又七點, 本來煮菠蘿骨最後連菠蘿都忘了買, 咁就 摷吓有咩可以整, 見到支芝麻醬就到期咁就加d沙律醬去炒一炒又幾好, 所以又分享吓

材料: 排骨1磅, 洋蔥半個, 薯仔1只, 青椒1只
醃排骨料: 豉油1湯匙, 糖1茶匙, 水1茶匙, 生粉3湯匙,  
汁料: 芝麻醬2湯匙, 沙律醬2湯匙, 水4湯匙

 排骨洗淨切細, 最好大細差唔多就容易熟

 先將豉油, 糖同水加入排骨撈勻放一邊

  薯仔去皮洗淨切細粒, 洋蔥同青椒洗淨切細, 汁料用水先開勻

煎排骨前先加入生粉撈勻 

放入排骨先大火煎2邊

 再轉細火煎到排骨熟

 煎好排骨先回碟加入薯仔煎熟

 排骨用筷子容易插入就熟

 薯仔都喺用筷子容易插入就熟

 將洋蔥, 青椒爆香

 洋蔥有香味同金黃就加入醬汁, 一定要轉細火

 炒勻汁料試味

 加入排骨

 熄火撈勻就搞掂

 可加入蔥