鮑魚花膠海心炆冬菇

今日喺大女舊曆生日, 上次老師上來我家食飯買了一盒鮑魚送給我, 今晚就預備左花膠海心同冬菇一齊煮再加多幾個餸叫左阿妹上來食順便食端午節飯, 點知阿妹都專登買左蛋糕同我女興祝又帶左只公司送給她的菓蒸糭上來一齊分享

鮑魚花膠海心炆冬菇

潮式鹼水糭

  時間過得好快, 還有2日就喺端午節啦, 
                               在這先祝大家端午節快樂!
今年無做咸肉糭, 只做了潮式的鹼水糭, 唔同一般用糭葉去包, 都幾得意, 潮式叫做 "鹼粿", 奶奶好鐘意食, 以前多數去買, 現在好難見到, 咁我就試吓整, 老公話都ok, 是實上我就未食過, 以前就見過老爺奶奶食過, 好似年糕只不過喺有鹼水味同一定要點黃糖食就最好味

材料好簡單

糯米粉1.5杯, 梘水3/4湯匙, 油1湯匙和滾水1杯

些少老抽做色

 先用滾水開糯米粉(全熱水煮出來會煙韌d)

 搞勻無粉粒後

 加人竹梘水, 油和些少老抽再拌勻

 倒入糕盤大火蒸30分鐘左右, 用竹簽插入無黏就熟

 我今早就放入飯煲蒸就唔細睇火, 都喺30分鐘左右

金菇牙菜炒火鍋腩片

今晚本來滾個什菜湯加個炒烏冬就算, 點知細女話今晚想食飯, 咁就將炒烏冬料做左個小菜再煮多個蕃茄紅衫魚

腸仔方包pizza

有時食淨左方包入左雪櫃, 攞返出來加d野焗一焗就好似pizza一樣好好味, 喜歡食咩就加咩, 而我通常有咩就加咩, 好似今早就腸, 洋蔥, 栗米和紅蘿蔔, 而醬汁就可茄汁, 沙律醬....等

簡單炒蛋多士

今早本來見食左幾日包就煮麵, 點知細女話唔夠時間, 就煮麵比老公, 簡單炒只蛋加塊多士比個女就算

冬菇雲耳排骨煮響玲

每日都用個幾鍾頭返工放工真喺開始有d煩悶, 有時塞車就更加, 昨日早上轉登早出門點知中途壞車又2個半鍾先返到公司, 今晚放工又塞塞地, 以前都喺咁都唔喺好覺, 現在可能人開始大就唔同d, 返到躬去又喺超市搞掂, 今晚見到有幾pack排骨就買左一包返家, 都知煮咩, 豆豉蒸, 生炒骨......最後就浸左幾只冬菇和雲耳再加之前食淨d 響玲用豉油糖炒, 簡單的煮法食出好味道

熱狗腸栗米配紫薯多士

昨晚喺超市見到包腸做特價買左返家, 今早就立即煮來試

洋蔥茄子蒸肉片

今早又好簡單將所有材料同飯一齊煲, 方便快捷又好味

沙茶醬咸肉茄子炆米

今日好遲先返到家又熱唔想搞咁多野就簡單炒個米粉加個什錦菜煲, 簡簡單單又一餐

紫蕃薯吐士配火腿炒蛋

第一次加蕃薯入麵包入面一齊整, 之前食淨一只就起左皮是旦整碎掉入麵包機一齊, 出來效果好靚, 紫色而且因蕃薯整得唔太碎好似加左提子乾

西芹豬扒

昨晚留左塊豬扒今早加用西芹洋蔥加d黑椒炒, 又喺一個美味午餐

鮮茄焗豬扒飯

今晚去到超市買到靚靚豬扒, 返到家都未淋點煮, d娼就問今晚有咩食, 我話買左豬扒未淋, 2個第一時間就話焗豬啦好耐無食, 咁就一於焗豬, 炒個菜, 煮條黃花再加多個咸蛋滾節瓜湯, 開開心心又一餐

青瓜蕃茄黑椒雞肉腸卷

天氣開始熱, 今早又簡單煎塊麵皮加d青瓜, 蕃茄和黑椒雞肉腸再配沙律繙和芥末醬醒胃又好味

洋蔥蕃茄蒸雞翼

昨晚煮雞翼專登留了幾只今早炒給老公, 因今早又做腸卷就在煲飯時一齊煮, 乾洗淨腳

雞脾菇煮雞翼

今晚本來三個食就炒個飯加碟菜, 點知阿妹打來問有咩靚湯飲, 我話無同昨晚一樣, 她說無所謂又上來食, 咁就加多碟雞翼, 雞翼真喺百撘加咩野去炒都好好食, 今晚就加左2只雞脾菇, 又有些少冬菇和雲耳就一齊炒

白蘿蔔煮豬蝴蝶腩

今晚本來只有老公同我食, d女出哂街, 黠知好熱鬧家姐, 姐夫和細妹都上來, 就立即將蝴蝶腩加d蘿蔔去煮返煲, 姐夫和細妹都以為喺牛腩, 見我老公食就話你又食反牛咩, 老公話當然唔喺啦, 豬所以先食

老黃瓜赤小豆扁豆豬骨湯

今早隨左我要返工, 個個都唔需要早起, 我就煲左個湯出門, 今晚就煮少樣, 將豬骨出水後同其它料一齊入煲, 先大火煮15分鐘再轉中火煲多10分鐘, 今晚返去滾返起加鹽就飲得