上機前的晚餐

今晚要搭零晨機去韓國五日滑雪團，今日在家悠閒開始執行李，感覺好頭痛唔知帶咩，阿囡就話帶啲暖包，因為今次我2老去還要喺個滑雪團，她們非常擔心，我哋己經最少10年無出外遊還要上雪山冰天雪地，剛上星期又大雪，所以原本一個行利箱變咗一人一個喼好誇只係去5日，今晚諗住簡單食，點知大女話唔唔出去回來食想同我哋出機場，真係當我哋喺小朋友，咁又要加啲餸同煲湯，家中肉太多又無魚，睇下冰箱有咩就煮咩，開開心心食完就出門

蘋果雪耳雜豆湯

蒜茸粉絲蒸扇貝

金華火腿雞脾菇煮娃娃菜

椒鹽蝦