冬至的晚餐

話咁快又到冬至，祝大家冬至健康，幸福快樂，轉咗呢行好多時今日都喺開緊工，近呢幾年冬至老公就攞假在家砌盤菜，越砌越開心，一年豐富過一年，今年我唔洗返就輪到我煮食，早幾日已浸定花膠，海參同魚翅都喺啲親戚朋友送，本來諗住準備好啲嘢等老公回來砌，但老公就話簡單煮煲飯，咁就將啲花膠，海參同魚翅加只雞去煲湯，又買咗龍躉去炒菜同煮多個咕嚕蝦，做節唔少得燒肉同雞，有時間喜歡自己蒸感覺好好多，每次啲媽咪想食湯丸就會花心機去整小丸子用南瓜，蕃薯或紫薯個個都喜歡，今日就用芋頭同南瓜整小丸子，講真整咗咁多次，今日先自己試食，又真係幾好味再加埋細女最愛的芝麻又大又細，開開心心一家過冬至

簡簡單單的冬至飯

龍躉炒菜心

薑蔥蒸雞

咕嚕蝦

花膠，海參魚翅雞湯

3款湯丸