晚餐之聖誕節西餐

明晚同老公跟團去韓國玩幾日，今次報得好趕，本來打算農曆年去日本，老公容易攞假，但價錢貴得離譜就放棄，早過星期突然同老公走入一間旅行社就問去日本有無團近聖誕，點知話最快1月9號後，老公只可以攞2號前，點知個sales話如果去韓國27號還有2個位問有無興趣，老公就要打返公司問，而我唔洗返就無問題，最後就報咗原來喺滑雪團老公話無所謂難得攞到假我又放長假一於就去行下，所以今日喺屋企執行利，因為果邊好凍雖然去幾日但都要準備好多嘢，今日原本都喺清雪櫃，2個女話我哋去旅行應該都唔會點煮，唔需要買太多嘢留底，咁就清咗之前啲食物先，點知大女話回來食，細妹想嚟食聖誕大餐，話唔煮點知又要去買嘢準備晚餐，見聖誕節呢幾年都要開工都係老公是旦煮，見人齊就整西餐，聖誕食火雞我就香草雞，好趕整個pizza諗住麻麻地，點知最受歡迎清哂，細妹買咗幾件聖誕cake好嘥錢，只係普通忌廉蛋糕加啲聖誕裝飾就30幾蚊件，買個普通蛋糕的價錢，而大女回來就買咗葡撻做飯後甜品，簡簡單單又一餐開心過聖誕

晚餐

而家啲蕃茄都好多色好靚好好味

拼盤有乳豬，牛扒，豬扒同司華力腸

香草忌廉意粉

大蝦香腸菠蘿pizza 

蜜糖香草雞

豉汁蒸龍躉頭腩，買咗幾日唔煮唔得

飯後甜品