喜歡煮食的我, 每日開心煮和大家分享每一餐
今日旅遊最後一日除夕日，今晚夜機喺飛機倒數，先祝大家除夕健康幸福快樂，呢間酒店早餐都喺自助比之前一間大同多嘢食，呢度啲人都好有禮貌，排隊攞嘢食，我哋時間有限排2轉都夠鐘，攞咗基本嘢飲埋咖啡就去集合，又係買嘢時間，先到化妝品專門店，貴嘢無買，買咗2盒手cream 都唔算平香港都有送比同學後就周圍行，再去魚市場睇海鮮順便喺附近街市同超市諗住買泡菜，好可惜街市無開喺超市買咗一樽同少少手信後就去食午餐最後一餐喺豬手配飯，4個人一配一鍋湯，食完又喺行街導遊帶我哋去宏大街，周圍還有好多大型商場，一行幾個鐘非常攰搵地方坐，因午餐食滯咗冇食晚餐去到機場只係食返昨日整嘅手捲諗住買咗啲杯麵係機場用熱水點知原來韓國機場係冇熱水只得凍水，喺間咖啡店買杯咖啡順便倒啲熱水但係嗰度都唔畀，跟住到咗香港機場就買咗三文治同樽水食少少嘢就搭車返屋企喇，開心時間特別快。。。完
有個團友的仔仔攞咗好多紫菜話食返夠本，昨日大家都買咗過千元的紫菜，個個一大袋好傻好搞笑
今日喺呢間酒店最後一日又剛星期六，唔洗再食set, 食自助多咗啲牛肉，湯麵，粥同甜品...等，已經比morning call早咗起身，因為要執埋行李落去食早餐，今日比平時遲因為自己傷咗，老公一個人執行李，本來想早啲落去慢慢歎個自助早餐，但都喺遲咗都要好急食，食完集合先去人參店參觀，好開心喺車到見到開始落雪，最初以為落雨後來先見到喺雪，好快啲樹都有層雪去到參觀人參店就好多，人生第一次親身見落雪，下午食完飯要行街，老公就話攞定傘，好彩到我哋行街時停哂，後來睇新聞話42年首爾再落今大雪，我哋睇完立即趕落去感受同影相非常開心，估唔到呢個旅程比我感受到人生好多第一次，跟住去食午餐一人一只人參雞，之後去紫菜館買咗成千元的紫菜好誇張，本來我只係買些少同啲團友一齊買，點知最後先發現比個店員點，最後我就買多咗一半，老公就話算反正都要比手信，試食買完整埋手卷就去著韓服影相，跟住導遊帶我哋去明洞自由行，又話明洞啲嘢好平，食街邊嘢都唔平6-7千wow,我哋無試因為都無咩特別，之後就去食自費晚餐後因時間返去集合，回到酒店導遊又幫我哋訂炸雞22kwow, 本來我哋食咗嘢太飽都唔想食，但導遊熱情幫我哋又唔好意思就照訂同另一家人分享其它味同分多些少比她們咁就唔需要浪費。。。。明天繼續
酒店自助早餐
整紫菜卷
自費晚餐我同老公一人一鍋
今日一早都morning call 但就無咁早，今日喺呢間酒店都喺食set，夠鐘就去集合出發先去士多啤梨園但只係去睇唔啱時間無得去採摘，每人有一盒6粒士多啤梨試食，有爆谷同埋朱古力噴泉比我哋用士多啤梨去整，食完就開車去Everland, 呢個樂園似香港小型迪士尼樂園，呢個樂園有熊貓館，獅子館，大笨象長頸鹿樂園仲有好多其他好細嘅館導遊第一時間就帶我哋去雪鴞場，講完附近有咩地方同集合時間就解散，午餐都喺自費喺樂園食，全團除咗我哋2個都喺個度玩，我就同老公慢慢周圍行，先去4季花園導遊講到好靚必去但我哋都有坐火車仔遊院後行多一陣就去坐玻璃車去睇獅子老虎，熊貓館太長條龍所以冇行，又搵唔到大笨象長頸鹿嘅地方，最後都係冇去跟住我哋就搭返吊車上山跟住就坐shuttle bus返酒店集合，自費晚餐食燒肉，呢個燒肉都唔算貴，但肉只有腩肉，牛扒同雞扒，有金菇同其它菜，無飲品只有水，可另外自費自己買，食完又回酒店沖涼休息。。。明天繼續
早餐酒店2日的set
士多啤梨園每人一盒有6粒
喺呢度食燒肉
今次2人一鍋，每人先有幾塊腩肉，可以用菜加醬包嚟食
雞扒好大食一塊已經夠
