時間過得好快，休咗個幾月，想讀的課程到而家改完又改，11月的媽咪通知會安排十月尾開刀，咁應該11月2-3號就開工，今日約咗媽咪家訪同攞定炒米茶包等生完立即有得飲，早上如常整早餐，午餐盒搞掂各人出門食咗簡單早餐，清潔下，上下綱又出門，去到個媽咪睇下環境同講下生前生後要注意的事情，傾完已經3點左右就買餸回家，今晚齊人阿囡whatapp問喺邊，想食泡菜芝士年糕睇下附近有冇呢啲店，有就買回家今晚食，我就唔知邊度有得買，回家喺超市買咗年糕，泡菜自己整，見好耐無食西餐就買埋牛扒整個什扒，忌廉蘑菇海鮮湯，西蘭花同雞肉泡菜芝士炒年糕，當她們回家見到好開心，真係好耐未試過，開開心心又一餐
呢個蘑菇海鮮忌廉湯加咗青口同蟹柳切碎
呢個炒年糕先煎咗雞肉加入泡菜炒勻加年糕炒軟後再加芝士炒勻
沒有留言:
發佈留言