時間過得好快又到星期六，今日等咗2個半月的自助午餐，話說家姐喺6月時話想去半島試下食自助火香港幾十年都未入過去食一餐，我話太誇啦想食就去，咁打電話去book真係估唔到話fully book, 最快十月先有枱，咁就通知家姐，家姐話唔緊要叫我照訂先，咁又再打去訂講咗我當時都無認真，後來講過下，跟住每月都同家姐阿妹出嚟食一餐，咁十月就應該去半島，上星期打返電話確認有無同時間，期待咗好耐的日子就到，早一日都打嚟確認同講穿著問題，到今早起身準備早餐同午餐盒比老公時，家姐突然打嚟話6：0分改8號風，咁立即睇新聞，家姐好緊張同唔開心話無可能取消，一定有開，咁我話9點幾再打去問，我都無諗過出去，8號風都唔洗返工點會出去，話比老公知唔洗返8號，整咗一半都停哂就返去再瞓，9點幾就打去問話照常，咁通知家姐後十點幾就出門，好彩有地鐵，家姐同妹都喺地鐵附近好方便，而我本來要一程小巴先落去地鐵就為有行落去都喺25分鐘左右，預時間太早去到都係11點幾就喺商場行下，因為打風好多都無開門只有超市，咁早啲入半島周圍行，環境真係好靚，地下大堂一邊喺下午茶的餐廳，另一邊喺接待客人，因為打風正門無開由漢口道入，喺大堂周圍影相，再上一樓有啲店舖但無開之後就上餐廳，門口有人接待未夠鐘先登記就周圍影相，到12點就通知我們入坐，地方唔太大，食物種類都算多比較精緻，午餐就無生蠔，長腳蟹但冷盤有帶子，青口，蝦同螺，熱盤都有好多款，每樣都唔會好大份，每樣都寫得好清楚，可以慢慢細心睇完先打開，環境好舒服，大家每樣攞少少，坐下食下都好飽，之後就叫餐飲，雖然2點半完但我哋坐到3點都無人趕，唔知喺咪打風原固我哋見差唔多3點就埋單走，走時還有幾枱未走，跟住再周圍參觀，喺餐廳附近有啲廚窗見到啲玉好靚，就一問原來下層有店舖叫我哋落一層睇下，家姐睇中塊玉想買可惜果間無開，另外果啲唔太啱跟住就各自回家啦，因疫情少咗出，今年先每月出嚟一次去唔同地方食嘢，今日家姐最開心，其實我都好開心，咁大個囡都喺第一次喺8號風在外走，每次打風喺8號都好心急回家，或者知道8號就留在家，今日好彩都唔喺好大風雨，順利完成今日的聚餐大家都好開心，家姐回家後還不停whatapp 要攞回啲相同講好開心同多謝我哋提早請她食生日飯
燒牛肉要配呢個好似喺某個國家食牛肉都配埋一齊食的泡芙，但其實都喺麵粉做但就煙煙韌韌幾特別
呢個簡單的粟米忌廉湯自己加咗配料賣相同味道就唔同哂
生果還有原果梨家姐好喜歡
沒有留言:
發佈留言