晚餐之李錦記麻辣雞醬煮辣雞煲後打邊爐

時間過得好快又星期日啦，今日唔洗5點幾起身，瞓到9點幾同老公食咗簡單早餐，清潔一下，上下綱，2個囡話要食雞煲加打邊爐，打風日食唔到，最好2只先夠4個食，咁12點幾同老公出去飲茶後就去買餸，之前因優惠買咗包李錦記麻辣雞煲醬，個味好好但實在太辣，老公邊食邊飲水，包醬入面有包紅辣椒乾，花椒，香草，2包雞醬同一包特辣粉，上次唔知全部用哂去煮，只落淨包特辣粉，煮完先知好勁，立即將紅椒執返出嚟，怕越煮越勁，今次雞多一只，用料就減半再加薑，蒜同乾蔥，我同老公就覺得好好味，啲囡就話唔夠上次好食，如果食得辣用濃味2只雞加全包醬料就一定啱口味，試過幾只覺得呢只料配得好，唔同其它喺已經整好只得醬味道都喺唔太夠，而呢個就有埋真實配料同炒夠哂味，大家可以一試

先食雞好惹味，食完加水就可打邊爐，自己喜歡食咩就加咩

手切牛肉同肥牛，腩片

自家制韭菜豬肉餃，啲囡話好好味

自己簡單韭菜加豬肉同少少調味

第一次食樹記，浸一陣就搞掂真係唔錯

材料：醬料一包，雞2只，蒜頭一個，干蔥2個，薑6-8片

先將雞斬細件後洗乾淨，蒜頭干蔥去衣洗淨，薑切片洗淨

背面教埋點煮好方便

一包入面有2包醬，一包配料同一包特辣粉

自行調配，可加減醬料

配料入面有乾紅椒，八角，香葉...

將雞入鑊煎香2邊

煎香後見到雞油，如太多可倒起些少

加入薑，蒜同干蔥

炒勻炒到有香味，薑，蒜同干蔥金黃

加入配料再炒

炒勻後香味更濃就加入醬汁

炒到雞熟同汁料差唔多收乾就搞掂（煮時如果覺得太乾可加入些少水同煮）