晚餐之蝦球扮蟹鉗

好開心明天開工啦，時間過得好快休咗唔夠二星期，個媽咪喺8號平安生咗6磅半重的囡囡，呢個BB好得意，今日約咗舊同事午餐，雖然放咗十日左右但日日都好似好忙，有媽咪塞奶又去睇下，有媽咪要覆診BB無人睇又去幫手，就喺咁忙忙碌碌又正式開工啦，阿囡send條整蟹鉗的片比我，一定又喺想食啦，見未開工同同事食完午餐，太耐無見一傾又幾個鐘，四點幾先走，拿拿淋上街市買咗菜，蝦回家煮返餐，開工後又會好忙，買咗蝦無時間去搵蟹鉗就用甘筍扮蟹鉗，將蝦去殼去腸洗淨拍平啄碎調味做蝦膠，用甘筍釀入蝦膠再上麵包糠用焗爐焗，今次好成工唔洗用油炸炒菜煲個節瓜湯，阿囡回來見到好開心，話今日比你睇今晚就有得食，我話唔係你想的欠些少，但囡囡都話就咁睇好似，但都好好味唔油膩，簡簡單單又一餐

節瓜湯用燒豬頭湯出奶白似魚湯，個個話好味

老公攞咗4只有機茄子，阿囡話新鮮食咗先，咁簡單開邊加蒜茸味道非常好

 有幾塊魚柳就順便焗一焗

 焗爐用230才有炸金黃的效果