晚餐之魚，肉菜

時間過得好快又星期日啦，呢個星期都好忙，因為阿B未退黃2-3日就去健康院，早二日去完阿B重得好黃又退得好，終於可以等滿月再去，去健康院時間又少咗所以每日都好趕，已經早去都每晚又係6：30或7點先走，好彩今次唔太遠，上到車20分鐘就回到家，所以7點走都唔太夜但又喺超市又喺一煲過煮麵
重陽已過今日終於安排到去拜媽咪，媽咪走咗都十年多，每年只有早無遲因為又要睇有冇封路，以前多數都會早第一次咁遲，因為最近出面好亂，交通都難控制，好彩今日都順利完成，走時等的士落山，因為過咗無咩人上，等咗好耐都無車，估唔到預到揸車的夫婦問我們喺咪落山，他話車我們落去，無諗過而家還有咁好啲人，真係好好彩好難得，如果唔係都唔知等幾耐，分分鐘都要行落去又要2-3個鐘，雖然車到我哋去山腳起碼行少二個鐘，昨晚整嘢到2點，今早7點又起身搞埋其它嘢就出門，約咗家姐他們諗住早去早回，最後4點幾先到家，今晚就可以煮飯餐，有魚有肉又有菜，開開心心一餐

產後食療之泰安雞三食之蟲草燉雞

之前講過訂咗3只泰安雞，一只雞三食，半只白切，另半只就翼上邊加木瓜炒，脾位去皮加入蟲草去燉，面頸同腳就加咗入木瓜魚湯到，全部用哂一啲都無浪費，好啦又講下呢個好味又簡單的雞湯
蟲草有滋補肺腎，增強免疫力的功效
雞肉有溫中益氣、補虛填精、健脾胃、活血脈、強筋骨的功效

材料：1/4只雞去皮（脾位），蟲草10條，豬肉或展$20，淮山2片，南棗4-5粒, 杞子1湯匙，元肉1湯匙

先將雞洗淨去皮同豬肉一齊出水

 蟲草用和暖水浸15分鐘去沙同汚物

 其它材料洗淨後，全部料入燉盅

 加入滾水浸過材料面燉三個鐘

 燉好後就可飲用

產後食療之泰安雞三食之木瓜青紅椒炒雞

我喜歡將食材盡用，之前講咗三食之白切雞做法，今次又介紹一個用生果做的餸，有睇開我的朋友仔就知我喜歡用生果嚟煮嘢好味又有營，好啦簡單介紹下今次呢個木瓜青紅椒炒雞件
雞有高蛋白質
木瓜功效有通奶，預防感冒，提高抗病能力，健皮消食

材料：雞1/4只（翼位）, 木瓜細半個，紅椒1/4個，青椒1/4，洋蔥1/4個薑3-4片
雞調味：1茶匙豉油，半茶匙糖，1湯匙生粉

雞洗淨切細後加入調味撈勻

木瓜切細（最好選熟啲部份）

先爆香薑片

加入雞煎香2邊

煎到金黃就可以

先加入洋蔥炒勻

再加入木瓜炒勻

加些少水煮熟雞同時將木瓜煮淋

最後加入青紅椒炒勻

水收乾試味就食得

產後食療之泰安雞之一雞三食

而家坐月好多人都會食新鮮雞，又或無激素，個個要求都唔同，而我會配合媽咪的需要而提供邊只雞，如果食新鮮我多數會買泰安，唔想太貴又唔需要新鮮我就會買超市的有機或無激素等媽咪安心坐月，而家呢個媽咪就要食新鮮，最近泰安都有訂購後送貨，我見比街市平但最唔好就要訂幾只先有得送，最近又可以3只左右就送貨，諗住幫個媽咪慳啲就試訂，因為之前5只就落單第日就有或上午訂下午都到，5只實在太多無地方放，除非家好大有2個雪櫃一定無問題，因為我只訂3只就要2日後先送到，本身都喺街市買開，第一次訂好多甩漏，話2日送又改最後都送到，但新鮮雞一定有雞雜講明全部要，點知無搞到我失預算，呢個媽咪每餐都要3個餸，最後將只雞分3份, 半只薑蔥蒸配薑蓉，另半只就脾位大半起皮去燉，淨返翼位小半就斬件加木瓜去炒，而雞頸，腳當然唔好浪費，放埋木瓜湯一齊煲

今次先簡單介紹白切雞配薑蓉

材料：雞半只，薑一塊，蔥幾棵

 先將雞去頭，尾同腳

洗時要留意一定要去肺，紅色果塊，如果唔係點蒸都唔熟

 將薑洗淨拍爛，蔥洗淨

 雞洗淨先用半茶匙鹽抹勻全身

薑蔥放入碟底後放上雞，水滾後蒸20分鐘

關放後喺鑊多焗5-10分鐘就可確保雞全熟

 放涼後就可將雞斬件，太熱斬會令雞散同雞皮會甩哂

 斬好配薑蓉更好味

薑蓉可自加制，簡單又好味，蔥先淨切粒，薑蘑蓉，蔥切細粒加入些少鹽

 爆香油加入薑蔥就可以食

包裝好整齊，雞入透明袋再入保溫袋

 都真係有2斤幾重

一雞三食，半只白切，另半只就翼位炒，睥位去皮出水配蟲草用嚟燉

產後食療之提子豬扒

時間過得好快，媽咪又過咗12朝，呢個媽咪好好胃口，每日我都會帶自家制的麵包比她，因為個媽咪話半夜好餓，但每次媽媽喺早上都食埋，每日差唔多最少5餐，有時半夜會留些少飯餸肚餓時食，早上食我預備的料去煲飯，11點左右餵奶或泵奶就麵包加湯，午，晚餐要3個餸都大大碟，下午茶就飲燉湯再配一個小食，每次都食哂我預備的餸菜，見她食得咁開心，都會諗好多唔同款比她，之前我都講喜歡用生果做餸，今次又介紹另一款用咗香印提子做的餸，因為她老公知道老婆喜歡食買咗，但又唔可以食太多，買回來的提子發現底部好多唔太靚，所以我就話用嚟煮嘢唔好浪費，但呢個媽媽喺綱到睇到話提子唔食得會少奶，其實每個人都唔同，有啲食物真係會少或無奶，或塞奶但大多數人都會的食物我哋會提下媽咪，但我記得3年前有個媽媽好想食豬潤，我解釋比她知但她真係好想食，咁我就買咗少少比她試，她食完估唔到話奶量大增，我都好出奇所以每個都唔同，最緊要食得開心
香印提子果糖比一般提子更高所以每次食4-5粒就可以，今次用嚟煮餸就唔洗加糖酸酸甜甜好餸飯
提子性平，味甘酸，入肺，脾，腎經，有補氣血，益肝腎，生津液，強筋骨，止咳除煩的功效，提子外皮有極強的抗氧化營養素多酚，可以延緩衰老，有益心臟健康所以連皮食就更好
好啦簡單介紹一下呢個提子豬扒點整，今次用咗香所，其實喜歡邊只都可以，做法一樣，香印果糖成份高所以無用糖，用其它就可以睇情況自己調控啦

材料：豬扒4塊，提子20左右，薑3-4片
豬扒醃料：1/5茶匙鹽，1湯匙水,1湯匙生粉，
先將豬扒洗淨啄鬆加入調味

提子洗淨切半，一部份拌碟，餘下留用

先將豬扒煎香2邊

加入提子炒勻加入4-5湯匙水煮熟豬扒

水收乾就可試味後食得

產後食療之蟲草海參燉烏雞

時間過得好快，媽咪又12朝通常都燉天麻魚頭比媽咪，洗頭後飲可去頭風，昨日就燉咗個蟲草海參燉烏雞，呢個媽咪好舍得買咗好多蟲草，海參，早幾日開始幫她發咗些少海參，她用的喺日本細療參2cm左右，發完都有6cm長，質地炒就有口感，試下去燉諗住唔溶，但都大部份都溶哂，最緊要媽咪喜歡，今次又簡單介紹下呢個燉湯，順產開刀10日左右就可開始飲用，生完頭幾日身體虛要慢慢適應後才開始食雞，最好先用烏雞，因為烏雞補而不燥
蟲草有滋補肺腎，增強免疫力的功效
海參有增強體質，改善睡眠同抗疲勞功效
烏雞補而不燥

材料：蟲草10條，烏雞半只，廋肉或展仔$10，淮山3-4片，海參4條，南棗6粒，瑤柱3-4粒
先將烏雞洗淨去皮同肉一齊出水（出水喺凍水一齊落滾去多2分鐘）再清洗乾淨
已發好的海參其它材料沖洗

蟲草用暖水浸20-30分鐘可去泥同汚物

 處理後將全部材料入燉盅

 加入滾水浸過材料面，燉3個鐘就可飲

燉好的湯盡量避免加鹽，剛生完頭2星期食清淡會好啲

 燉好的蟲草最好全部食埋，效果更好

好細的療參發後都有3倍大