又順利完成一個全人奶媽媽

時間過得好快又完工啦，好開心每次都好唔舍得，但都要完工準備休息幾日又下一個，祝媽咪同囡囡健康幸福快樂，做咗40幾日好開心BB又大咗好多，重咗1.8公斤好重手，食得而家已經食159-180左右，今個媽咪又好勁回家3日左右，幫她按通配合食療就開始通哂，個多星期奶已多到只係15分鐘就可以200ml, 因為未開始儲奶所以唔想太多，又唔需太密去泵，怕太多容易塞，每日都用較多時間，雖然好近上到車30分鐘就到，可惜時時塞車有時要個半鍾先到，雖然返10點3但好多時9點幾就到，晚上上到小巴雖然貴5蚊就20分鐘到家，但唔係成日搭到，巴士唔塞30-45分鐘左右，試過個半鐘都未到，攪到晚晚都係買唔到餸好多時一煲過煮麵，呢個BB好有精力唔洗點瞓，覺到媽咪都無得瞓，唯有盡量做好哂嘢先收工，返咁耐都未試過收5：30好多最早都6：30先走，今晚完工又差唔多7點先走，呢幾日更忙準備炒米包，燉湯料，湯料同呢幾日的早餐，同明天的湯，同餸，可能太心急收工時唔小心帶咗個湯傷咗手指上到小巴先發現有個好大C字水咆，返到去老公好緊張，自己拿拿淋煮叫我沖完涼休息，哈哈又等食

完工的午餐，

晚餐就準備黃金蝦同雲吞雞配西蘭花

 土菲雞翼配薯條

 燒汁青魚

 其中一餐媽咪想食茄汁蝦

 煎薄餐配黨參燉雞

 南瓜蘿蔔煎餅配杜仲補腰湯

 菠菜豬肉腸粉首烏燉烏雞湯

 蔥油芝麻餡煎餅

 每日下午茶的燉湯都會專登做一款小食比媽媽，見她食得開心就更用心，薯條配菜心豬肉餃子

 炸兩媽咪話好耐無食，好開心

 其中一日的小食，杞子燒賣

 今日完工媽咪想食的生煎包

 帶埋用具去準備，最緊要媽咪食得開心

 滿月又係整咗蛋糕同紅雞蛋祝媽咪同BB日日都開心幸福健康快樂

 上咗小巴先發現起咗咁大個泡泡

回家沖完涼個C更清楚

今日完工又成家人同我影相，呢張只係得我同囡

成功同媽咪收肚