中秋節的晚餐

咁快又到中秋，先同大家講中秋節快樂，祝願大家開心幸福快樂，今年無做月餅因家中人唔太愛而且又要開工好忙，諗住買個應節就算，點知阿囡買盒燕窩冰皮，朋友又送咗盒奶皇月，阿囡朋友喺綱上賣月餅，阿囡就幫襯買2個都唔平，朋友話有啲做得唔好就送多2個，今日好早就去個媽咪到諗住搞掂早啲走，因為晚晚都搞到6-7點先走，雖然上到車就45分鐘到家，但塞起嚟真係無時間，今晚煲咗椰子雞湯她們最愛，整咗黃金蝦，生炒骨同墨魚炒西蘭花配多個芝麻糊湯丸，個媽咪想食，已經盡快搞，好彩今日囡囡都好合作，雖然唔瞓但都唔太扭所以6點前都順利完成，雖然又遲但都叫早，個媽咪好客氣話唔好意思，日日都搞到我咁遲，其實做嘢就喺咁，今次因為媽咪無人幫手，我就盡量幫她做等她多休息，她老公回來都可幫下手，因為呢個囡囡超級好精力成日唔洗瞓，都好彩自己玩下雖然時間唔長，起碼唔會扭抱完全做唔到嘢，通常頭星期遲走，大家適應後我通常都可以準時或最多遲半個鐘，但因為呢個囡囡我就晚晚都最少遲成個鐘以上，所以回家又8點幾，今晚好彩老公收早幫我買餸，昨晚已喺超市買定湯料醃咗雞同鴨，整咗薰蹄，同煲定湯，雖然差唔多6點走，點知出面大塞車搞到8點幾9點先到，半路都落車行回家，點知老公天塞我到他都未到，我就先焗雞，鴨，切好配料老公一回就立即浸菜，邊煮邊唔洗一個鐘就開餐，飯後就食月餅同生果開開心心過中秋

 手工月餅好貴又超甜真係唔識欣賞，阿囡自己都唔食

每日都做不同的小食比媽咪做下午茶
今日整咗花生餡西多配柚子蜜，麵包就係自家制想幾厚切幾厚回去，媽咪食得好開心

 配燉烏雞湯