晚餐之焗雞翼

咁快又星期日，呢個星期好忙時間好似唔夠洗，呢個BB好有精力由早到晚都唔洗瞓，初時回家，日頭叫做瞓下，晚上就唔係點瞓，過咗12朝更加難搞，可能多人探後已經知道抱後舒服感就日頭唔瞓，要抱或同她講嘢先可以，好彩晚上都瞓，BB日頭唔係點瞓就不停食，十幾日人仔3個鐘已經食120ml，搞到爸媽都無得瞓，今日媽咪話我知由11點幾玩到7點幾都唔瞓，我了解後叫她埋身，但埋完身又唔夠再補60ml，終於都瞓咗，可能媽咪太緊張令到BB飲咗奶就跟媽咪一樣，我叫媽咪試下放鬆，唔好諗太多到時先算，BB大咗就會唔同，唔會好似而家咁，做人奶的媽媽一定要保持心情開朗，開開心心做出嚟啲奶比BB飲完就會開開心心，今日如常早起出去買料煲湯，順便買咗油炸鬼同腸粉回家，返到去先煲落湯，跟住就去整炸兩喺我最喜歡的，以前返寫字樓早餐一定皮蛋粥加炸兩，自從轉咗呢行都無食好多年，有腸粉油條就輕鬆整隨時都有得食，開工時間難料好多時都係一煲過，今晚正常食餐就會蒸魚煲湯，簡簡單單又一餐

今晚簡單焗過雞翼，蒸魚炒多個菜又一餐

電飯煲先返熱腸粉

 將油條入爐180度3分鐘 

 打開腸粉放條返脆的油條

 完成後可加入豉油，芝麻，甜醬等

阿囡話要享受杯有雪糕的咖啡，個名好好聽忘記了

下午茶同阿囡喺粥麵檔食呢個麻辣午錦粥，而家咩都興麻辣估唔到連粥都可以

                  我就食碗蕃茄米粉