產後食療電飯煲之田雞飯

今次又介紹一個喺電飯煲簡單好味又有營養的飯，通常生完都好攰而又無人幫手，呢個就好方便，預備好材料放哂入煲按制後飯煲跳制就食得，我就為媽媽們由其是餵人奶每日都會安排不同種類的配料比她們，如果飯煲可預較時間就叫她們晚上叫家人準備好，明早起身就可食早飯，早飯有營養同會幫助多奶，今次呢個飯順產，開刀喺一個星期後就可以開始食，順產喺12朝後可食薑，薑絲就可食埋，而開刀就最後20日或傷口差不多全好先食，放薑絲只係香啲，食時可以先攞起
田雞含有豐富的蛋白質、鈣和磷，有助於骨質疏鬆。所含維生素E和鋅、硒等微量元素，潤澤肌膚，是大補元氣治脾虛的營養食品，可以預防腰痛，精力不足，產生缺乳

材料：田雞2只，飯半杯，薑絲半湯匙

先將田雞洗淨切開四件，加入1茶匙豉油，半茶匙糖，1茶匙生粉

撈勻

將醃好的田雞放喺飯面，再放上薑絲

按制煲飯

飯煲跳制就食得