晚餐之茄汁蝦

話咁快又星期日，快樂的時間特別快，今日雖然星期日但都係一早起來去街市買料煲湯，因早前太忙有二個星期無睇老豆，只叫老公過去，今日搞掂二個女出去，煲好湯就出門，約咗個媽媽十月中預產期的，大家傾得好開心，最好都好多謝她們信任比我照顧她們，而最開心又係生活易的blog友，估唔到喺生活易都有好多人睇，現在做緊呢個都係睇生活易搵我，其實我入行短短二年，已經有十幾個生活易的搵我，而咁啱有期的都係剛做緊呢個，同剛簽十月的，雖然幫唔到手，我都有幫她們，有啲還有聯絡，見完就去老豆到，晚上就回家買餸煮飯，阿妹又上嚟食飯，就煮咗她最愛的茄汁蝦同涼瓜炒蛋，開心到要留一半涼瓜回家食，焗咗香草雞女兒最愛，而老公有魚就最開心，飯後就食阿妹買嚟的雪糕同雪條，話mega 的新口味，我就覺得太甜又開心的一餐

晚餐之豬腳薑，燒肉

今日搞掂家中各人出門，自己準備好都出門，因今日12朝比較忙，媽媽可以洗頭沖涼，準備更多的薑水，會燉天麻魚頭湯可驅寒，最適合洗完頭立即飲，又會準備薑醋同煮雞酒比客人到訪時食，放工時媽媽的奶奶專登攞盒燒肉話比我，又叫我帶薑醋回家，我話唔洗客氣，最後都係攞咗回家，真係好開心做咗咁耐都係食過一次，未試過攞走，今次又燒肉又薑醋，呢個奶奶好好叫我一定記得攞去，我就唔客氣攞回家，今晚就簡單去超市買菜，簡簡單單又一餐

晚餐之舊歷生日在越南咖啡室

今日都喺好忙，個仔仔要去健康院，通常去就會幾個鐘，今晚因喺舊歷生日，老公話請我出去食唔好煮，咁就唔洗趕回家買餸同煮飯，二個女都有時間回來陪我食飯，咁又唔想去味皇，女兒提議食越南菜，咁就去咗秀茂坪呢間一試，味道都唔錯，價錢就一般，我哋叫咗個四人餐，女兒又想食檬粉最後加多個，大家都食得好飽就散步回家，今次細女買咗芝士蛋糕而老公就話之前啲花唔靚，今晚唔洗幫手買嘢放工有時間就去咗花虛行下，今次呢扎花好靚，返到家見到好開心，無諗過又有花又蛋糕，今晚又食咗好豐富的一餐，又過咗一個開心快樂的一晚

 老公再送的花

產後食療之田七熟地豬展湯

今次又介紹一個補氣補血的湯水比新手媽媽，特別餵人奶，人奶喺由氣血而成，所以餵母乳的媽媽好偉大，呢個湯過咗12朝就飲得，簡單材料，但味道都好好飲，有時間可以一試

材料：田七三錢，熟地五
錢，紅棗十粒，百合1 兩，豬展一斤， 蜜棗四粒

 先將豬展出水

凍水一齊若，滾起多二分鐘就見到好多污物

 紅棗要去核

 所有材料洗淨放入煲4公升水

先大火煲半個鐘再轉中細火煲二個半鐘

 煲好調味就飲得

晚餐之老公煮的海鮮餐

今日雖然星期日，我都過咗去5月的媽咪跟一日，生咗又出咗院，一早買咗二日餸就過去，因為舊還有一日先完工，去到都好忙，一來未熟環境，而媽媽又塞奶，第一時間跟咗先，已經知道所以都買定通草同黃不留行煲水比她飲，太塞好彩未到石頭胸，如果等多二日我正式開工就麻煩，搞掂就立即去廚房整午餐，準備燉湯，湯，晚餐同第二日的早，午，晚餐餸，燉湯同湯，同仔沖涼，搞掂晒又六點，好彩星期日老公幫忙買餸，因路遠返到去都七點半，點知老公已煮好而且喺海鮮，話昨晚喺街食幾百都唔知食啲咩，今晚差唔多價錢就有班，帶子同蝦，味道都唔錯可惜帶子過熟有啲韌，又過咗開心的一夜

老公送的生日花，今晚有時間影底，此中都係最喜歡這個配搭

生日在味皇

今日喺自己大喜日子，多謝家人，同學同朋友的祝福，今個生日雖然好忙，但真係好開心，我做緊呢個媽咪記得我生日，專登買咗個蛋糕同我興祝，她的大仔仔差唔多二歲，但講嘢都算好叻，最好笑就將說話重覆，唔會轉，爸媽特別教他同我講生日快樂，但英文，普通話同廣東話都係一半一半好好笑，只掛住食同要吹，媽媽還錄影成個過程送比我，無諗過好難忙，搞掂哂就回家，大女專登買咗蛋糕同我一齊食飯，以為她實習嚟唔到，原來她專登改日間，咁晚上就可同我一齊食，細妹同我同月同日，近呢幾年她都正日過嚟同我一齊食，買嚟一箱酒心朱古力比我，老公又係朱古力同花，雖然今晚簡單喺家落下的味皇，回家食蛋糕，今日真的好開心

 老公最愛的班腩

 我自己最愛的河粉

 細妹晒最愛的土魷肉餅

 二個女最愛的肥牛煲

 阿妹的酒心朱古力

 晚餐後的哈蜜瓜一樣咁好味

今日午餐後的雞仔芒果蛋糕，好好味

生日同學聚餐在百樂

呢個星期好忙，5月媽咪生咗啦，本來講好出院會過去，但只去醫院一次，因為生日月好多節目，已經取消日間的活動，而晚上因同學同家人都已訂哂枱，而5月媽媽知道我呢二日有飯聚，叫我放心過生日，真係好識體諒人，反而搞到我有啲唔好意思，雖然她突然早咗咁多，我又未完工，做緊呢個媽媽又想我做多二星期，但都無能力，而我覺得她都應該可以搞得掂，通常新手的媽媽我就好想快啲去幫她，因為好多嘢都唔識，如果唔係約咗人我就一定放工都過去睇下，呢個23號完工24號就立即開工，今個星期日都會過新媽媽到安排好2日的飯餐，好彩她有一個好奶奶幫手，今晚中學同學同我去百樂興生日，收到好多禮物此中呢度都唔錯，今晚還失雲到唔見咗部電話，好彩喺酒店有人攞返去大堂，到自己發現，問咗去大堂攞返，而家無咗部機真係好煩，咩嘢都喺到，今日做緊呢個滿月，我整咗紅雞蛋，蛋糕，中午還煮一餐大家一齊興祝，好開心，過咗一個又忙碌又開心的一天

 呢個燕窩蛋白好足料

 同學送的禮物，酒店送的生日蛋糕

 一雞二食，一半薑蔥蒸，

另一半就芝麻雞