輕鬆的五一假期

剛完工開始休息，老公又一連3日假期可以陪下我，疫情穩定些少今日就同老公出去行下，先到好耐無去的花園餐廳食返個午餐，老公又叫牛扒我就選擇豬扒加魚柳，可以一齊分享咁就食多款，而家有消費卷出面熱鬧咗好多，食完就周圍行順便買返個煲，因為如果我返工晚餐多數老公一煲過，之前剛買的太重要求換一個所以去睇下，咁啱比老公睇啱就買咗個不銹鋼，一煲過不銹鋼都方便，今次連蒸平過單煲咁就買咗個2層，今晚返屋企就立即試用，買埋些少海鮮蒸完抵層就煲粥，啲女最喜歡，最後先發現原來無影個粥，好多料蒸完個粥真係好好味，而家買咗呢個有時又可以多樣選擇

買時就唔覺，回家就感覺大咗啲

上層放好哂蒸熟就食得

海鮮快熟好快就食得

之後再放菜

有啲燒豬骨本來都係留嚟煲粥，

先煲咗個湯底

買咗條魚起咗肉，骨就留返煲湯

呢只話好食但唔知叫咩

午餐的湯，而家啲羅宋湯唔夠以前好飲

豬扒魚柳跟薯菜

老公的牛扒跟意粉

份量對我哋都算多，餐包就打包攞回家

買咗呢個2層