完工後出外搵食的第一餐同家姐阿妹在官塘大瀛喜

自從過年後都無出嚟食過嘢，今日家姐話太耐無見，環境又好似好啲就出嚟食嘢傾下，家姐提議食放題，自己覺得銅鑼灣滿屋就最好，但太耐無去都唔知咩環境又星期日怕交通好麻煩，最後搵咗官塘呢間，因為早個月家姐話同啲同事食過都幾好，因為無訂枱所以要等，估唔到都好多人，我哋食5點要7點就交枱，2個鐘就好似好急，坐低要裝個app落單，如果唔識搞都唔知會唔會無得食，哈哈哈，搞掂完就開始，初初都唔識搵後來先知都容易，如果唔清楚都可以問，但感覺食物種類唔夠滿屋多，魚生就6款左右，因為大家好多都唔食，所以樣樣少少，如果食得魚生就好抵食，樣樣食少少都已經好飽，甜品都喺唔多選擇，雪糕只有牛奶公司，最後都無咩點食甜品，大至上都可以二百幾蚊都算喺咁，傾下講下好快2個鐘就要埋單，可能太耐無聚太開心之後周圍行下就各自回家

食物都嚟得好快

 黑松露帶子可再encore

 牛肉鍋就一般

 魚生好新鮮

 蟹子海鮮船都好好味

 鮑魚壽司都唔錯

 金銀蛋皇帝菜就咸咗些少

 呢個芒果卷好好味

 花膠好大塊好軟淋

 呢個燕窩都好足料