又順利完成個半月的陪月工作

時間過得好快，個半月的陪月工作，今日喺last day, 呢個星期更忙，因為要處理埋媽咪淨啲藥材料，分門別類同寫清楚點燉同煲，每次完工都好唔舍得，但都喺時候離開，又要去照顧另一個新手媽媽同BB, 喺到祝個媽咪健康快樂，仔仔聽聽話話，健康活潑精靈，家人個個健康幸福快樂，呢個仔仔好叻好食得，滿月已經開始搵人玩，但自己都好乖喺床玩個幾鐘先搵人，隨咗肚餓會大喊其它時間都喺笑，見到就好開心，今日已經食180ml好利害，最特別隨咗剛回家幾天清胎便會有幾次，之後就每日一次，每次就好利害喺其它BB一日好多次加埋，當去完便便就算剛食完都會再食，雖然好食得但唔太肥因身長，而家應該有70cm, 而家啲BB好多都手指腳指好長，初見好特別而家習慣咗，但呢個BB手掌好有肉喺我見咁多個BB最有肉的一個好特別，媽咪精神都好好，呢個媽咪食嘢一般好彩飲到湯水，每日都飲5-6大湯碗，因為唔想有壓力，所以阿仔人奶加奶粉，呢份工作令我更加確定，全人奶的媽媽一定要自己想要就一定得，而我哋只係幫手配合，最終做到的喺媽媽自己，所謂催乳師，湯水....都喺幫手同配合，每次完成一份工作都有得著好開心，諗住完工可以休息過年後先開工，點知1月尾囡囡趕出嚟同媽咪慶新年收利市，咁休息一，二日就應該要開工，剛呢二個都早咗十幾日，2月尾3月頭就應該可以休息返成個月又可以去探我之前啲BB,諗起都開心

媽咪好有心思的信同利市，多謝晒

 最後一次準備的假日湯料同日，午，晚餐的餸菜

 翠瓜肉碎炒蝦乾

 田雞配南瓜同木瓜做早飯

包好的藥材只需加肉簡單又方便，可以多食一個月，而家喺補足100日，等媽媽可以繼續補

 其中一日午餐，喺媽咪想食的煎蛋角

 菠菜豬肉薄餐配燉北芪黨參烏雞湯

BB滿月媽咪好有心思在家佈置

滿月當然唔少得我送比她們的紅雞蛋同蛋糕

 成日都笑開心仔

 今日last day當然又影反張，BB大咗好多