晚餐之西貢百日宴

今晚好開心參加4月囡囡的百日宴，雖然喺香港仔返工都專登放工過去，因為媽咪好想我到，放工因為仔仔所以遲走趕到去差唔多8點已入席，西貢喺早些少，去到媽咪好開心立即同我影相，還見到之前湊就快十個月的囡囡，當然一齊影相，今晚個B囡著咗白色婚紗好似新娘子，對手同頸都帶滿金手扼頸鍊同金牌，見到好搞笑又覺得她好辛苦，我去到剛巧醒咗好似知道我到同我影相，原來3點已到酒樓，媽咪話她好乖全程無扭，有人嚟就影相好攰瞓咗唔夠半個鐘，跟住我就全程幫手抱BB,有人嚟就抱去比人影相，媽咪好開心有我幫手跟住換片同飲奶，飲完繼續瞓咗一陣，喺西貢就算一圍都係以海鮮為主，今晚都喺先嚟粟米魚肚羹，龍蝦伊麵，椒鹽懶尿蝦，鮑魚拌西蘭花，雞，炒飯，未夠十點啲人就開始散，最慘喺BB真係好辛苦之後都無瞓，其實好眼瞓最搞笑喺有個親戚要影相，見囡囡想瞓叫她唔好瞓，影完先瞓，我真係睇唔過眼，話她真係好眼瞓，見影完立即抱走等她可以瞓，直到媽咪送走啲人我交返BB比她我都回家了，雖然好開心但又覺得BB好辛苦，呢個囡囡真係好乖全晚都無咩扭計，全程好開心比人影，到我去到好似有人會幫她，換片飲奶後就瞓咗，但都係唔夠一個鐘

 好熱鬧好多圍

BB都好辛苦咁細個就帶全新金，比她還重

媽咪講呢個蛋糕過千元，但唔好食甜到食唔到