搭高鐵深圳一日遊

還在休假中，今日老公話不如搭下高鐵啦，就係咁又搭車出咗西九站去到買飛處，邊度最快有車就搭去邊，咁就去咗深圳北，真係好快15分鐘就到，好似煮飯咁煮就成個鐘，食就幾分鐘，哈哈哈，到咗目的地周圍行先搵食，有個商場入面都係食嘢，今次諗住睇哂先再缺定，唔想好似去澳門咁食咗餐麵就可成日無謂口再食，點知都係入咗間握錢店，我哋又好傻唔識推，紙巾，小食加茶錢就十幾蚊可以食多碗麵，叫咗一個餐加碗麵，又握多3蚊，明明32出單35，唔知真係唔明我哋講咩還是炸唔知，最後搵餐單同她的單對先改單，唔係價錢問題，最唔鍾意比人握，跟住搭地鐵去福田，老公諗住近市區多嘢行，實在太耐無返大陸玩，完全唔同哂，到處高樓大廈都唔似返在大陸，唯一一樣就係我哋因無準備就好似以前咁無哂通訊，去到福田只係行地下城的商店就可行大半日，一個商場接一個，行到行唔返又亂咗最後又搭2蚊地鐵返福田高鐵附近搵嘢食完就等車回去，天氣實在太熱都唔想離開有冷氣的地方，咁又遊咗一日，真係大鄉里出城自己覺得好搞笑

 高鐵都好似地鐵咁無咩特別

 深圳第一餐，紙巾同小食

呢個套餐紅燒鴨有碗飯同飲品一支, 都要人仔差唔多40唔值

呢碗人仔32的牛肉麵，湯多過粉，牛肉好韌食唔到

 搭地鐵的站枱

 不一樣的地鐵飛，好搞笑

 商場的空中花園，見啲人坐喺地

 喺福田呢餐就好抵食，有魚有飯，小龍包，鴨血湯都係人仔110左右

鴨血湯以為喺咩入面有些少豆卜，鴨血同粉絲

 粉絲似木薯粉有煙韌感好食

 紅燒肉原來喺個餐有湯,有飯同湯，魚另叫

 以為喺一件件的紅燒肉，點知喺切粒粒還有花生同豆腐粒，味道都可以

 呢條魚店主推介白江魚都幾鮮甜