又順利完成一個全人奶的媽媽

時間過得好快，今日又last day啦，每次都好唔舍得，在這祝媽咪同BB日日都開心，幸福，健康快樂，雖然短短個多月的工作對我嚟講每日都喺好開心，雖然路途搖遠，每日都好早出門，晚上又8點幾9點先回到家，睇住BB每日的成長同開始動作多多就好開心，媽咪由出院唔多奶到走時泵出近300ml的奶或只係漏都可以有240ml，起初媽咪擔心唔夠奶，而家不知幾開心，精神緊張，唔夠瞓都會影響奶，所以餵人奶的媽媽放鬆心情，有時間就多休息，咁就一定無問題，通常生完頭2日奶量喺唔多，慢慢就會多，初期有啲塞，喺因為未識處理，今次呢個媽媽我只係按咗3日配合埋食療，好順利就全人奶，呢個BB好叻好快埋身埋得好好，媽咪又掌握到我的教法容易上手，到打滿月針就比出世重咗成1.2kg好叻叻，初期喺醫院唔識埋身攪到損哂好擔心又有啲怕，出院我立即先處理餵奶，教她怎樣同睇阿仔食成點，好快多做幾次就成功，餵奶姿勢啱阿仔含得正確，就一定唔會痛，如果痛就係含得唔好，餵奶喺一件開心輕鬆的事，媽咪開心BB飲都飲得開心，呢個仔仔無飲過奶粉全程飲人奶，媽咪好乖自己食到又瞓到，奶質就會靚，BB試過飲飽瞓5-6個鐘先起，黃好快就退所以都係去咗2次健康院就唔洗再去，早幾日滿月我都喺整咗紅雞蛋同蛋糕祝她們一家幸福健康快樂，仔仔快高長大活潑開心，今日媽咪比咗信同大利市，還有婆婆，嫲嫲的利市，最開心喺收到媽咪的信，真心好多謝她們的信任我輕鬆愉快順利完成工作

媽咪好醒目，仔仔醒咗好大眼立即自拍留記念

呢個椰絲卷喺我最喜歡，原來呢個媽媽都鐘意

家姐比咗楊肚菌我,專登帶些少過嚟同呢個媽媽分享

呢個糖醋骨，個個媽媽都喜歡，酸酸甜甜好餸飯

 雲耳蟲草花唔一定蒸雞，蒸排骨都好好味

呢個腩肉片配酸酸甜甜的汁媽咪話好好味

最喜歡的蕃茄蛋同蒸鯇魚

 檸檬排骨又係呢個媽媽喜歡的

 蘋果豬扒