8號風球的晚餐

今日又去咗4月中完工的媽媽家，因為塞奶發燒過去睇下，昨晚起咗3號波，媽咪好擔心話如果太大雨就唔好過嚟啦，一早起身睇新聞知道唔會掛更高，搞掂老公返工同整定早餐比啲囡，又整做雞蛋仔比媽咪個大囡就出門，點知在路途中突然話2點左右會掛8號，個媽咪都立即通知我，但已經喺車到又非常塞，10點出門，11：30先到，立即跟咗媽咪又買咗嘢諗住一齊食午餐，最後怕交通問題搞掂哂就立即走，個媽咪好好又安排車送我回家，老公通知我話好塞叫我走搭地鐵再轉小巴，唔好搭巴士，我就話有車送到門口，老公以為的士叫我唔好嘥人地錢，怕唔知塞到幾時，我同媽咪講但她話車已到上咗先，之後已掛8號又橫風橫雨，她叫我唔好中途落車又轉地鐵又小巴一定要到家先好，真係好彩媽咪安排我都係一個鐘內回到家，個司機又好好行好遠備哂啲塞位，雖然行遠咗但都叫做快，我家姐打比我，話等咗二個鐘都上唔到巴士又無的士，我2點9返到，她還在街等巴士，後來她行左半個鐘去轉其它車全身又濕，今次呢個風太突然搞到好亂，返到家煮咗媽咪送給我的日本板出前一丁，講笑話怕我食到無得返轉頭，事原呢個媽媽第一個囡坐月時個陪月幾離譜，早餐喺餐蛋出前一丁，話日本板好食到無得返轉頭，我食完後一啲都唔覺得特別，呢個陪月真係好搵還喺3年前好專業收28k,  早餐公仔麵，餐肉，火腿類真係好似餐廳，煎釀三寶就喺超市整好的，餃子就買現成，所以呢個媽媽最怕就喺公仔麵，呢個媽媽太好太信任所謂的專業，從來都無問總之煮咩食咩，喺度真係希望唔好再有媽媽要出聲，有唔明可以問，坐月好重要唔係都唔洗嘥咁多錢請我哋，唔係唔信有唔明就要問，通常食新鮮，礶頭同醃製食品通常少食甚至唔食，今晚個個喺家好彩老公回家時買菜買魚同好舍得買咗鵝還要150蚊，本來喺買鴨因為打風清哂，老板話平啲四分一只比平時平，老公唔好意思就買咗，啲囡就唔太喜歡我就清雪櫃加多啲，雪櫃淨咗比目魚，蝦同墨魚滑加咗西芹同羊肚菌炒埋一碟又係一個好味餸

突然想食串燒，簡單雞肉解凍用豉油，糖同生粉醃一醃再配上一個自己開的印尼沙嗲醬好好味

呢個就係老公買的鹵水鵝，我就唔識食，食鴨抵好多，哈哈哈

 呢個就係日本板，媽咪專登送比我話怕我真係反唔到轉頭好好笑

 同普通無咩分別

雪櫃樣樣淨些少，簡單加啲西芹同羊肚菌炒一炒又多個餸

我喜歡白鑊烘乾西芹去味方便又唔會流失太多營養

 跟住加蒜頭同薑片炒勻

 將魚，蝦同墨魚滑加入炒勻

 蓋上蓋加熱均勻

 最後試味就食得

晚餐之煎釀三色椒

雖然還未開工但都好忙，見未開工就出咗去探啲媽咪同BB, 見到他們就好開心，個個大咗好多，最大果個都就嚟讀幼兒班啦，講嘢好叻好好玩，今晚晏咗返個個在家食，大囡半功讀的Master畢業啦，8月尾就完之前的工，呢二個星期放緊暑假又剛實習完都開始搵工，好開心話搵到份好工但就好遠，另一份近啲但就少幾千，最後都係做份遠啲，近啲果份又不停叫她諗人工就比唔到，但可以選她喜歡的，阿囡又心大心細，雖然多幾千但日日就要幾個鐘來回，其實都辛苦，做阿媽的我當然比唔到意見，自己想點就點，咁我就話買啲好餸慶祝下，返到家附近的街市都無咩嘢買，只係買咗蝦同整個煎釀三色椒，正式簽約先出去食餐好，飯後甜品就係日本桃，阿囡話獎勵下自己見到有間專買日本嘢的超市，日本直送的桃話好想試，我就叫她買，買完返嚟比返，估唔到咁貴，還話特價$98二只，我就真係唔識欣賞，但他們就話好好食，開開心心又一餐

阿囡send過嚟我都睇唔到價，知道就一定唔買，哈哈哈

晚餐之蟲草花羊肚菌蒸雞

話咁快細囡喺英國一個月exchange返嚟啦，昨晚專登蒸定條烏頭，因為她最愛，返嚟之後不停講喺個邊啲開心事，如果唔係啲同學思家她就可以留耐啲先返，有機會要再去同帶我哋去玩，聽住先哈哈哈，又話自己無時差，點知話瞓一陣煮好叫她，她都唔想起比她瞓，叫食完先再瞓，本來諗住蒸豉汁雞，最後用咗蟲草花羊肚菌去蒸，因為大伯二公婆上嚟坐但又唔係到食，我哋就盡快食完會好啲，阿囡買咗好多嘢返嚟，好多嘢食同買咗筆比我，買咗支酒比爸爸，又買咗家紅最喜歡的朱古力

英國啲唔同地方的紀念幣，叫我買本刷子比她放好

 好多手信，喺到安排比邊個

 呢支酒比老豆

好多唔同的調味同香草，話好平，真係好抵，香港買就好貴

簡單蒸個雞，呢個都適合坐月食，蟲草花同羊肚菌都有增強免疫能力
材料：雞半只，蟲草花1湯匙，羊肚菌8只
薑絲適量
醃料：豉油1湯匙，糖1茶匙，生粉1湯匙，同半茶匙油

先將羊肚菌用暖水浸軟可去沙同汚物
蟲草花浸軟，雞斬細件洗淨加入醃料醃半個鐘就可以

先將雞放入碟，面放羊肚菌同蟲草花，最後放薑絲，水滾蒸15分鐘

 蒸好可以放入蔥花就食得

晚餐之車仔麵料

話咁快又星期日，雖然唔洗返工，都係例牌早起去買料煲湯，整早餐食完下午就出老豆到，阿妹又上嚟食，話好想食車仔麵，咁就去食啦成日想食又話貴唔抵食其實都喺，我就好少出去食車仔麵聽講話幾樣餸都可能要三，四十蚊一碗，見昨晚整咗豬腸咁買啲蘿蔔，豬紅，豬皮，魚蛋同韮菜回家，先將豬紅同豬皮出水，白鑊烘乾，蘿蔔去皮切細先炆淋，將韮菜洗淨切細入煲底，將蘿蔔，豬紅，豬皮同魚蛋入煲最後加埋豬腸加啲鹵水汁搞掂又開餐

細妹見到呢煲車仔料，可以食餐飽連飯都話唔洗食，哈哈哈

早上最喜歡煲皮蛋粥再配腸粉同燒賣，唔少得加多一，二樣點心

晚餐之電飯煲做鹵雜錦

又星期六還未開工，老公話想食豬腸，我哋家人都喜歡但就怕出面的，事原老公喜歡食以前想食就會買些少，有次老公喺外面買回來，腸內唔係清潔太乾淨，啲囡以後都唔再食，其實自己都簡唔中整，因為我喜歡清乾淨入面啲肥糕同汚物，最記得姐夫嚟我家剛整咗他們又係喜歡食，但姐夫話我果啲太乾淨無哂味，哈哈哈，而家二個囡就唔再食外面買回來的，每次見到都問是否自己整喺先會食，記得早幾個星期阿妹想食又買嚟加餸，點知無人食，老公就叫她以後唔好再買，今次整開就整埋蛋，豬軟骨同鴨，各自喜歡食咩隨自己喜歡又開飯啦

 羊肚菌炒菜心簡單又好味

鹵水鴨多數配個蒜蓉醋，話食多都唔覺膩

開咗鹵水料就會整多幾樣，先鹵鴨同肉，跟住豬腸最後就蛋，最喜歡用飯煲唔洗睇火，好快又安全

晚餐之電飯煲煮皮蛋芫荽鯇魚腩豆腐湯

還在休假中，呢個媽咪過咗預產期還要等一星期無動靜先入院，所以繼續等做左2幾個都未試過只有早無遲，呢個媽咪就好傳統只睇政府無睇私家，好似以前我生時無咁方便有錢先喺私家，而家大多數就會政府私家二邊睇，喺政府無咩嘢就等最後一刻先知，如果過在預產期通常就第二日返去催生，但可能呢個媽媽計錯時間而醫生又覺得可以等多個星期，咁而家唯有等，老公明天先返本來都想出去行下，最後就喺屋企一齊清嘢，實在好多好多野喺時候掉咗部份無用的，午餐簡單煮咗麵食，執到5點幾諗住落街食tea就算唔洗煮，最後都係出咗街市買餸，而家天氣好熱個人都懶咗，今晚就飯煲滾鯇魚芫荽皮蛋湯，順便蒸少少飯比老公，我同囡都唔食飯，煮個雞同炒菜又開飯啦

 煲湯時順便蒸飯原來可以，下次更方便

 喺飯煲煮完成煲上簡單又方便

 呢個雞只係醃咗豉油糖生粉，炒時加咗薑，乾蔥同獨子蒜原來都好好食，老公問用咗咩汁料好好味