晚餐之牛油蒜蓉蒸蝦

時間真係好快又到星期六，老公都喺要返，學校面試一連幾日分咗幾個星期進行，唔洗煮午餐盒，整咗早餐比老公食完就再去瞓陣因時間實咗太早，8點幾又輪到叫二個女一個上堂一個就去幫人補，各自都好忙，而我還在休假中，明天約咗家姐他們去拜媽咪，諗住未到重陽有車上去，個個都開始年紀大行上山確係好辛苦，準備齋菜，豬，雞，魚，以前第二朝早先起身炒齋菜，通常晚上先浸冬菇，雲耳，最近又話雲耳唔可以浸多個幾個鐘，因為有人食咗浸得過長時間的雲耳出事，咁食完飯先去搞順便就炒定明早先加鮮腐竹，今晚阿妹又過嚟食，二個囡又話可以返，咁又要整一餐，買咗蝦整蒜蓉蒸，見有多就加啲肉碎搞一搞包咗雲吞，因為蒸雞又有雞湯用嚟煮菜好味又唔洗加嘢，細妹就最想食我包的雲吞，今晚她嚟就有口褔，忙忙碌碌又一日

老公今午食八寶飯，專登留一部份回來，因為我細妹話最多食過6寶，點喺8寶，有燻蹄，墨魚，紅腸，义燒，雞，鴨同燒肉

 又加多盒干牛河同羅漢齋麵，搞到明天要食炒飯