晚餐之薰鴨

時間過得好快又星期日，連做9日今天終於可以休息一下，開工後好忙早去晚走搞到晚晚都是旦食，有時煮麵有時一煲過，雖然忙但就好開心，先成功媽咪有奶，每次都有加先20ml, 跟住40,60最高都有120ml, 跟住就跟阿仔埋身，呢個仔都好叻，幾餐就食得好好，希望媽咪繼續努力阿仔埋到身埋得好，咁就唔洗太辛苦，昨日老公休息買餸就魚，肉菜正經食一餐，上星期開工又無去老豆到，今早去買料煲定湯下午出老豆到飲茶，細囡一早要出去，整咗麵包又話要食麵，大囡又話想食格仔餅咁又整，只有老公有咩食咩，搞掂晒就出去老豆到飲茶，今次去到酒樓叫咗點心，好誇張一次過嚟哂，飲完茶就回家買餸，老爺的細佬嚟香港玩帶咗薰鴨，話真空包裝返熱就食得，點知最後成只無人食，只味唔同以前食過果種，明天又要買個艼頭攞嚟炆唔洗哂

昨晚的晚餐

 阿囡要的格仔餅

 一次過嚟哂好少見

 今晚的晚餐

晚餐之同學聚餐在德興

每個月的聚會，已經有二個月無出啦，本來約好咗，突然又話去旅行唔洗預她，咁拖下個月又另一同學有事又下個月，今個月終於出到嚟啦，又喺去德興覺得抵食又可以坐好耐都無人理，個個收工先去時間唔定，咁早到就可以坐低等，今晚好熱鬧未見過差唔多滿座可能有旅行團，呢度有有打邊爐，自助都唔貴又無限時，而我哋有部份同學唔鐘意，今次多咗海鮮餐半圍都係貴食開個餐二百但有龍蝦，魚，蚌都幾抵食，可惜又有人唔啱食最後又喺食之前的乳豬半圍，今次有驚喜質素好咗，食物又高級些少，埋單每人都係$165, 一邊食一邊傾好快又喺講再見

簡單的晚餐

今日第四日都好忙因為要回健康院睇黃，星期五出院喺私家，但因bb黃本來醫院叫他們留底bb照燈第二日抽血，爸爸覺得唔需要就立即book到健康院，一早到家搞咗些少嘢就去醫院同她們回家趕快食完午餐就去健康院，好彩醫生睇完覺得唔需要抽血過二日再回來睇，咁今日又一早回去搞好食完午餐又出去，好彩bb食得到有重而黃無增加但就退得慢，咁下星期一再回去，媽咪終於聽我講放底肚風，出院時第五日都無大便，而且感到好痛無心情無胃口，當我了解到點解會用肚圍後，我叫她試隨後睇下有無改善，她好擔心怕這怕那，最後她都說信我咁我就幫她隨去後，第二天就有大便，跟住連止痛藥都唔洗食，她好開心同我講好似解咗壓，行動都好好多，繼續開始解決上奶同埋身問題，搞搞下又六點半先走，回家又7點半去超市見咩買咩趕回家煮，簡單一個排骨飯，雜菜煲簡簡單單又一餐

開工幾日的晚餐老公煮

終於開工啦，通常第一日會好忙，大家都未適應，剛出院新手父母都比較緊張，呢個媽媽開刀而且又無啦啦扎肚，令到傷口第五日出院還好痛，所以無正式餵bb,回家先教她們換片，餵奶，跟住就開始睇下媽媽出奶的情況，最後做咗三日按摩，終於有幫助再配合食療，而家就要幫bb埋身，希望可以做到bb容易埋身食，咁媽咪半夜就唔洗泵或沖奶粉，呢個媽媽都好乘又唔怕辛苦，希望可以更快做到，第一晚就落街食因為返到去都8：30, 跟住二日剛星期六同日老公休息，叫老公買定餸，老公見我收得遲就煮好等我返到去就有得食，今次星期日返工喺因為他們原全未熟又太擔心，所以就連星期日都返沒有特別收費，只希望他們安心，老公只係煮咗二晚已感到好頭痛，好服我開工還可以煮早餐，午餐盒給他們，晚上又可以煮餐飯，跟住好搞笑同我講，好多謝我過去無私地照顧個家，從來都無話辛苦，其實老公都好好成日話辛苦唔好做，太夜唔好煮，落街簡單食，我就習慣哂嫁咗比老公原來今年29年，時間真係好快都唔覺辛苦，而家轉咗呢行好開心，總之一個家大家互相合作就會過得開開心心，我要求好簡單平安是福，哈哈哈

呢一晚豆腐火腩但無色水而且燶底，但都可以，排骨就好好笑唔知加咗咩無咩味，又話有蒜頭但又加黑椒可能唔記得落鹽所以無咩味

個湯就張之前飲淨的湯無啦啦加礶粟米同蛋，阿囡滿心歡喜點知就話點解有呢啲，個啲

第二晚又喺同一款魚又喺用薑蔥蒸，煲咗個蕃茄薯仔但就加咗我之前的咸腩肉都幾好飲，跟住又喺買咗半只鹵水鴨，因為唔知整咩好，已經好叻

晚餐之燒鴨

又一年的重陽，自媽咪離去後每年的今日都會約齊人一齊去拜，但自從老爺奶奶都走後就清明，重陽前的二星期，每邊是旦一星期，所以今日重陽就無特別，又未開工就同老公出去睇老豆同他飲茶，飲完又買餸回家，二個女再加細妹過嚟食，老公就話買多啲，買咗半只鴨，魚就回家，太耐無食燒鴨感到特別好味，但最後都喺食淨好多留返明天炆艼頭

分享學習精油後的小知識

今早在家搞好哂，又準備過幾日開工的物品，食完午餐就去上最後報的一課，今次學關於精油的用法，好處，點樣調配....等今次真係好開心清楚知道自己想知的，因為自己學咗催乳每次都係免費提供比有需要的媽媽配合埋我的湯水，每次都好成功而我無特別買精油實在太貴，自己又唔係專業去做，只係諗住有需要時幫到手就得，無諗過會休咗差唔多二個月，但都有收鑊學多幾樣嘢，好似扎肚，推拿，精油的用法.....等, 因為上咗扎肚又介紹精油，只係講用咩同埋會提供，但價錢都係好貴，而我都係諗住啲媽咪問起都會知喺咩嘢，所以都係無買，好啦講下今次呢堂，呢個阿Sir講得好好，講精油點做，用精油喺唔可以直接用，要有份量去開稀後才可用，唔同精油的好處，邊啲人適合用同邊啲人唔可以用，真係聽到連洗手間都唔想行開，即場教我哋點樣將精油先加入乳化劑或牛奶，令到啲油先溶後才加入水，如果噴喺身好似防蚊水就用蒸餾水，如果家居清潔或洗衣就可用普通水喉水

家居消毒清潔液100ml
先將精油-茶樹，薰衣草同尤加利各一滴放入6滴乳化劑撈勻溶解後加入100ml水撈勻就可以用，可以抹枱消毒殺菌，噴在空間有空氣清新功效，也可清洗衣服務

產前產後一個月用冷壓芝麻油搽肚會幫助去妊娠紋

不同種類的精油有不同的效果，原來有咗bb懷孕期間有幾只味喺唔可以用，有bb的媽咪要留意下以下幾種
快樂鼠尾草，薰衣草，迷迭香，天竺葵，絲柏，洋甘菊，杜松果，百里香，胡蘿蔔籽，玫瑰，苿莉，沒藥等

上完堂後回家都溫習咗一輪，真咗感到大有收獲，所以喺度分享些少，還要繼續努力學習

老師的豐富詳細note同送給每位同學的薰衣草香包有助睡眠啱哂我，今晚就要一試

 乙醇用來稀釋精油

老師分享在外買的噴霧可以有效幫助睡眠，比我們比較味道

老師當然覺得有信譽的機構先唔會買到假嘢，價錢當然唔平

 能溶解精油的乳劑，老師分享的部份精油

晚餐之小丸子

又到咗星期日，都喺一早起身，因為約咗大伯，二叔二家人一切去拜奶奶，通常都係我哋準備，今次多人去所以就整咗好多嘢有雞，豬，魚，炒麵，飯，齋菜，蛋糕，雞蛋...同定咗只乳豬，今年好貴要成六百比舊年貴咗成百蚊，但都無法習慣去都會有只豬，今日去將軍澳有車上，去到只係行二十幾分鐘左右，拜完就喺度陪奶奶食嘢，回家都係二點幾，雖然唔係點行無上星期咁攰，但難得星期日，個個又早起返到去我當然要大清洗，她們就去休息，今晚就唔洗點煮，只係炒個菜，阿妹因為昨日無食小丸子，今日就話要食咁就整啦，媽咪唔會大細超，哈哈哈，今日最開心聽到十月呢個媽咪安排明天生，我好快開工好開心，所有嘢都準備好上埋明天最後一堂就開始迎接忙碌的工作，因為之前三個都早二至三個星期所以我就休咗差唔多二個月，接下嚟的工作就無得停，通常接都會預留一，二星期時間，但啲媽咪好比面要等有啲期好近只差幾日，但真係好難講好似之前個個早，咁突然就大休，本來有個五月中媽咪搵但有個4月中怕時間太貼所以無接唔係就連做7個去到6月尾，而家暫時去到出年五月尾先可能有休息，一個接一個好緊密希望順利完成這6個媽媽，一諗起好快見到bb就好開心，希望每個媽媽都順利同時間剛好就順利接著唔洗甩