同舊同事午餐在Soho wildfire

今日搞掂完家中各人出門，自己又先去西灣河個媽咪到，因為昨晚同我講，突然出唔到奶有硬塊好驚，剛約咗舊同事喺附近食午餐，晚上又去簽約，最後都缺定一早上去睇下先，好彩還在休假，如果開工就好難可以去，呢個媽咪好叻問咗朋友，話有白點可能因為咁所以塞，叫她挑走應該就得，她就搵她媽咪幫手，真係挑咗就出返但仍有硬塊，咁上到去搞掂完阿bb食咗奶，就幫媽咪睇下，有些位喺硬就幫她按，唔係一次就搞掂教她自己去按，走時叫她媽媽幫手煲個王不留行消炎茶，可消炎止痛，約咗舊同事午餐都拿拿淋走，去到都係遲咗些少，今次又去wildfire 食半自助，叫個主菜就包出面沙律，湯同甜品，同事話呢間好啲，之前試過太古城入面個間Mr Steak 我覺得多嘢食啲但價錢就貴些少，反正都係傾計為主，邊度都無所謂，幾個月無黎，價錢加咗，食物少咗，今次個湯又唔啱飲好大陣臭青味，之前啲湯都會飲幾次，今次只飲少少，淋住食出面嘢就叫咗啲無咁飽肚小食，埋單三百蚊左右都係差唔多，而家普通食個午餐都要幾十，呢度半自助雖然嘢食唔多，但都好舒服同可以唔洗太飽

叫咗香煎盲曹，未試過都唔知可以咁整，但我就覺得麻麻，送黎時感到有啲腥

脆炸雞翼配甜薯都幾好

出面的沙律都有三款肉食

呢個湯好難飲

還有冷麵，但就太乾

甜品都喺呢幾款無變，一般都好過無