同學聚餐在聚德軒

好忙的一天，淋住未咁快開工，應承咗剛完工的媽咪幫手帶仔仔打針，點知11月的媽咪早產，知道好快要開工，昨日收到話明天出得應該晚上，叫我星期三開工，剛巧呢二日安排咗啲事做，我就同他們講星期三下午上去跟下，星期四先正式開工，咁今日一早去咗西灣河先去健康院打二個月針，搞掂完就去私家打五合一同食輪狀病毒，bb 好叻只係打時減下就收聲而家啲 bb 同餵人奶媽都好辛苦，搞掂哂同bb回家先睇到11月的媽咪今早出院，咁就立即打去問已經回家，本來打算喺到一日陪下她們，晚上約咗班同學食飯，點知又要去一去新媽咪度，喺呢邊搞掂晒同 bb 沖完涼食些少嘢就過返九龍，打去一問先知二公婆同仔仔回家，但因早產咩嘢都無準備連午餐都未食，叫她老公煲定飯，咁就買咗些少菜更心急趕去，去到都三點立即炒菜，滾些少湯炒菜比他們食，再去安排其它，等他們食完就立即同 bb 沖涼跟住教她餵奶，煲薑水比媽咪抹身，再準備簡單晚餐同預備餸料教她老公明早煲飯就起身有得食，晚餐煲瑤柱節瓜豬展，菜心肉片再加合掌瓜炒肉片，因剛回家要食得清淡，搞到六點半，湯都未煲好搞掂晒其它，交代好點做就走，因約咗同學尖沙咀，今日真的好攰連水都無飲，去到都遲咗半個鐘，坐底立即飲好多水同叫上菜，今晚又喺半圍，個餐都一樣，但就比上次差，上次近中秋做得好好，今次又好似之前咁，但平又可坐幾耐都無人理，雖然好攰但好開心

只乳豬幾脆，都好好味

 花枝丸味道麻麻，好彩都熱

 象拔蚌好硬，可能炒得過火浪費咗

 今次個翅好足料，但好硬唔夠淋，有啲同學唔咁食，怕消化唔到

 苧頭炒飯喺食唔到，完全無苧頭未

 呢個上次唔熟，今次全部嘢上齊追幾次先有，但黎到好失望，肉熟得感到唔太新鮮