產後食療之煲薑醋

今日去咗個客到煲薑醋，五月中的預產期，現在煲都差唔多，今次喺第一次上去煲薑膽，生前約二/三個月就可以煲，生完12朝就開始加豬腳同蛋，比黎探Bb或者開始比親友，原來滿月有啲喺唔比出門，真喺個個唔同，今次做15斤上門做好貴人工，出面煲十斤薑要收$800, 15斤就收多一半，而陪月一站就收平$200, 我今次只收$600,其實工夫都多，先洗乾淨啲泥再風乾刮皮再風乾後拍篇喺鑊旱乾，再加入滾咗的醋煲滾後多半個鐘就完成，咁樣做主要喺可以放耐啲無咁容易發霉，之後就4-5日煲滾一次直到11-12朝加豬腳同蛋，今次就分享下我自己的做法

十斤薑煲完後已上咗色

 十斤薑配十斤醋，呢個煲剛好放十斤薑

 洗乾淨去曬啲泥後風乾

 跟住刮皮後再風乾，之前我就無咁做，但咁做用淨啲薑膽處理得好可以放2/3年，薑皮唔好浪費要曬乾留生完煲水沖涼

 15斤薑都幾嘥位

 先將醋入煲

 用一點火煲，咁啲醋先唔會好快蒸發，滾瀉同燶底

 跟住就將薑拍鬆

 拍到咁就可以，唔好拍爛

 拍好就入白鑊旱乾

（白鑊就喺個鑊無油無水的意思）

 旱乾後等醋滾起

 醋滾起

 將薑放入煲

 放好曬啲薑就蓋上蓋等滾起

滾起後再多半個鐘第一次就完成，之後就每4-5日煲一次，用一點火只時間喺長啲，煲出來啲薑喺好好味而且唔會滾瀉同燶底

因為要煲15斤，之前個煲放唔曬，再買多個，點知個客又買到個大，怕太重，最後就開二煲

黑色可放15斤而啡色就剛好十斤，再加豬腳就要先去咗的薑，唔喺就放唔到，如果煲十斤用黑色呢個就到時可以直接加豬腳同蛋