產後食療之雪蓮子燉雞

雪蓮子喺好有益的平價補品，適合產後進補，而雪蓮子點煮都得，本身喺無味要跟其它食材配合，好多都用黎煲糖水，今次簡單介紹呢個用黎燉雞，好先講下雪蓮子功效具有養心通脈，清肝明目，健脾滋腎，祛痰開竅，疏腸利尿，潤膚養顏，提神補氣等

材料：雞脾1只，已浸雪蓮子1湯匙，
           豬展仔1只，無花果1只，
           淮山3－4片

 呢個就喺雪蓮子

先洗一洗後用食水最少浸6個鐘，

浸啲水可以用

 浸幾個鐘就會見到大粒

而且開始透明

 未浸前好似粒米好硬

先將雞同肉出水，其它材料洗淨後

所有材料入燉盅，

加入滾水燉3個鍾

 燉好的雪蓮子喺透明有啲膠質

晚餐之叻沙米線

今日雖然唔洗返工，但星期日就最忙，因為要去探二大長老，一早起身搞掂二個女出門，準備定湯下午攞比老豆，跟住同老公食咗早餐就出門先去老爺到，有時同他飲茶或煮簡單午餐，搞掂就跟住去老豆到，探完哂就回家買餸煮飯，今晚大女話想食米線，已經煲湯蒸魚，但煮多個米線都唔係問題，只要有要求做到一定做，晚飯後本來好開心，收到一個媽咪傳來女兒又大個咗，啲相表情多多好得意，話咗完工有時間就去探她們，跟住又收到個唔開心的信息喺下星期出去見出年4月尾預產期的媽咪，剛8週但唔得，雖然我幫唔到，但我都叫她坐小月養好身體後就會有第二個，如果不幸預到呢啲事，媽媽們都要放鬆心情，兒女天注定，可能未喺時候做媽媽，先養好身體好快就會有，大家記得燉肉汁，喺最快覆完又唔燥的補湯，簡單又易整，可以參考我之前講個，我都寫過用明火同電子整的，唔好食涼嘢，先清淡後慢慢進補，希望呢個媽媽好快搵我

晚餐之菠蘿炒牛肉

時間真的好快又一星期啦，這個星期好似唔忙但其實都好忙，每日都同平時一樣煮早餐同整午餐盒，搞掂哂各人自己都早啲出門，有時搭到車好早就到，今日星期六淋住早搞掂就可準時收，到最後比平時更遲，今日仔仔唔知搞咩，無咩點瞓不停食不停痾，可能知自己唔合格，怕下星期打針時黃還未退就要返醫院抽血，見到都心痛，呢二日煲咗菊花水比媽咪飲，希望幫到bb，我問中醫阿Sir，媽媽出院已經食得好清，基本會加劇面黃的食物全部都無食，咁叫我試下，比媽咪飲完，bb 出哂紅點好似疹咁，我都好緊張立即問到阿 Sir 話唔怕應該喺有熱，出哂就無事，咁再煲多一次，到我收工時仔仔啲紅點都有減，希望真係可以幫到他快減黃，等他媽媽可放心同安心坐月唔洗再走黎走去，今晚好彩有老公買餸，咁我返去就容易搞，阿妹又話上黎，咁去超市行個圈買咗牛肉餸包，而家真係好方便，點知牛肉無咩味，我以為已調好可能只係基本自己再加，但都唔錯，返到家先知老公今晚買咗蟹喺我妹最愛，早知就唔洗加啦，只蟹好貴老公真係舍得又真係好好味好鮮甜，唔食蟹的大女都食完再食，開開心心又一餐

 唔洗$30蚊的餸包都幾方便，呢個有牛肉配三式椒，洋蔥同菠蘿幾適合二口子返工一族

 先炒香配料

 加入牛肉快炒

 牛肉轉色加些少調味炒熟，最後加入菠蘿再炒幾下就搞掂

產後食療之香煎蓮藕餅

坐月初其要食得清淡，通常喺第2個星期左右，就開始慢慢加唔同種類食物，有太太就問幾時食得魚生呀，當然唔得啦，最好介到過咗100日，如果餵人奶，bb又面黃就更多嘢唔食得，今次介紹呢個就好啱食，蓮藕唔一定煲湯而蓮藕功效都好多，有開胃，益血又可幫助上奶，豬肉就有好高蛋白質，而呢個簡單材料又好味，可以滿足下她們唔想清淡但又唔油膩，只要用易潔鑊同慢火去煎就搞掂

材料：蓮藕一件，肉醉$10
醃料：鹽半茶匙，糖1茶匙，生粉2湯匙，油1湯匙

先將蓮藕洗淨去皮刨絲或切絲

加入豬肉同醃料撈勻

撈勻後會有些少水可倒咗就唔會太濕

將料整成一個短餅

入鑊加些少油先大火煎香二邊

二邊金黃就加入2湯匙水左右

蓋上蓋確保豬肉全熟透同保持有肉汁，就會外脆內軟多汁

水收乾再煎到有些少脆就食得

豐富晚餐同同學仔仔做生日

今日終於正式全程喺太太家工作，由於早產攪到出院都每日返醫院抽血驗黃，照燈每日都進進山山，又因心好似有雜音又要跟進最後做埋超聲波，完完全全無問題唔洗再去醫院，今日開始喺家教 bb 全埋身，太太都有足夠的奶，因仔仔出出入入醫院，所以今日先開始幫他，希望等他習慣可全埋身，咁媽咪就會舒服好多，今晚又唔洗太夜只喺遲些少，回家又趕煮飯因同學一家過黎食飯，他的仔仔就好似我半個仔，每年都會煮一餐同他興祝，今年就無做蛋糕，因好忙無時間買料，我妹妹又上黎食飯就叫她幫我買個蛋糕，我同學叫我唔好煮出街食，知我工作完應該好攰，但我覺得在家食最自助，又一早煲咗椰子雞，又醃定羊架同雞，好彩老公又休息，咁其它魚，菜蝦就老公買再幫我準備，回去又喺邊煮邊洗一個鐘又開餐