提早同細女慶生日午餐在美麗華酒店

又星期日啦，呢幾日都開緊工非常忙碌，而家喺幫過之前做過3個幾月的媽咪打散，呢個媽咪3年前第一個女做咗3個幾月，第二胎搵我我無期請咗陪月話一個月最後搞唔掂都做咗3個月，成日問我幾時上去探她們，剛完工後就安排去探她們，知我完工想我接住做2個月，主要培訓個奶奶湊bb雖然有工人但係一個怕湊唔掂兩個，想奶奶喺度幫手餵奶換片，因為個媽咪就嚟返工但係我就冇時間，個媽咪知我教得掂奶奶，話之前個陪月教咗成個月都搞唔掂，所以想我幫手，因為之前個姐姐剛到都喺我教出嚟，我就比咗可以去的時間個媽咪，她好開心話無問題，自己一月都會比較忙啲又約哂朋友同舊媽咪返去探她們同埋去旅行，做咗一星期，個嫲嫲好用心但可能比人話得多，感覺好緊張同好怕，我就耐心教幾日都做得比之前好，個媽咪非常滿意好開心，今日約咗家人一齊去美麗華酒店食buffet同細女提早慶祝生日，第二次嚟美麗華酒店食午餐，上次喺閒日食問都好多，今次個午餐價錢貴啲但係就非常之豐富，家人非常滿意，個個食得好開心，龍蝦半隻任食，仲有好多花膠唔同去煮，好多好多唔同種類嘅食物，每樣試少少都試唔哂下次有機會再嚟，紅白酒任飲，還有鮮搾果汁，啲女最愛，訂枱時寫咗喺慶生日差唔多完時有生日蛋糕仔可以同女提早切蛋糕非常滿足開心的一餐

長腳蝦都肥美，還有其它海鮮

和牛花膠

魚生最特別原只象拔蚌，放題都未必有，而且種類都比一般酒店自 助多，

生蠔好新鮮即開

呢個喺燕窩魚翅花膠石頭鍋

中式點心都好多款，只係攞咗些少試，最特別喺乳豬壽司

龍蝦都唔細只，灼熟後開邊，見到開龍蝦的人唔靚都唔會比我哋

呢個燉湯都好足料

家姐好細路

嚟返個大合照

龍蝦同不一般的花膠

燉湯入面還有鮑魚

鵝肝，串燒，都有帶子

部份甜品

紅白酒任飲

燉湯盅仔細細料十足

還有粥，炸物