晚餐在牛角

今日終於訂到枱去牛角一試晚餐放題，其實唔太喜歡價錢貴又限時，我最唔喜歡限時食得急，我哋訂咗6點，因為個個都唔洗返工時間容易控制，之前食個午餐喺套餐，豬，牛或雞只選一款後就可出面食外面的飯，甜品，套餐的肉只得幾片價錢就幾十到百幾，今晚放題肉就任食每個人就4百幾，都有熟食叫，阿囡喺會員就唔需要加一，但呢個價錢食100分鐘，就算好多嘢食都會好急同試唔到咁多，今次阿囡就叫我哋會食同覺得好食比我哋試，出面有飯，沙律菜，甜品都無出去攞，基本上叫回來都食唔切，差唔多夠鐘前15分鐘就通知要準備離開，就算食唔切都無法，但我哋都好叻叫唔太多無咩點浪費，如果要食燒肉我喜歡韓燒多啲，只係喜歡食牛就可以一試，因為都好多唔同牛的部位，但我哋都係叫啲一般嘢，所以喜歡韓燒多啲反正好多嘢都唔食又食唔到太多，又可以慢慢食唔需要急價錢又平特別而家食唔到太多，老公同我都覺得一次就夠，哈哈哈

呢啲喺冷麵都喺放題先可叫，唔大碗4個人一人少少

呢啲軟雪糕又有幾款，我就無試

呢個蝦就覺得好好食

啲蝦唔新鮮無再叫

佛山二天遊之第二日

第二日行程都好豐富，老師話最好嚟3-4日就可以試哂好多美食同可以行多幾個地方，今日一早老師就同我們飲早茶，呢間酒樓平而且樣樣好特式同好靚，我哋午餐食片皮鴨所以試唔哂，最後都叫咗9樣食到好飽，跟住就行祖廟因要入場費又唔夠時間行，老師就帶我哋周圍外面打咭下次再一遊，其實十幾年前都上過去，但印象就唔太記得，跟住就行嶺南天地，同學話之前TVB有介紹所以老師就帶我哋行一轉，好多嘢食我喺果度買咗2斤牛丸同牛根帶回港一試，之後就搭3點半返香港好塞車差唔多8點先到港，約咗老公一齊晚餐後先各自回家，無諗過咁塞老公喺酒樓等咗我哋成個鐘，回到香港食嘢就覺得好貴，哈哈哈大家都耳油未盡，叫我老公下次一齊再去行下同食嘢，順利完成2日的佛山遊

每款點心都有名

鮑魚煎糯米雞，老師話從來都唔食，估唔到呢個好好味

黑松露魚肉腸粉，做到好似壽司咁，老師話必食

呢個喺鮮果腐皮卷，買相已好吸引

竹筒牛肉球

千層鮮果鬆，老師最愛

入面已經改建唔同商店

領南天地入面的古蹟

回港的晚餐

呢只雞最好味

呢個牛根腩就無特別

佛山二天遊之第一日

近呢十幾年移民的人多咗，有啲去加，美，大陸，呢2年就去英國多，剛完工的一家都安排4月尾過英國，我中學老師同同學，通常11，12月都回港過年，上次聚餐其中一個同學提議上佛山探一個移民喺佛山的老師，最後出發時只得4人，行程照舊就無訂酒店，老師話人少可以喺她家住，酒店遠離她家一齊住晚間就可以傾夜啲都唔怕，一早搭7點半車喺鑽石山出發，今次好順利11點左右就到，老師喺車站等我哋，放低行李就出去老師講的飯堂，最愛例湯同蓮藕餅再加菜同推介的燒鵝同豬手，食包包周圍行再返老師家坐一陣又出去晚餐，今晚食燒肉類似香港有一間，但價錢當然呢度平，6個人都喺400港紙左右，食飽飽老師就帶我哋行千燈糊公園，晚間真係好靚，老師話行完最少2個鐘，我哋只係行一半己經10點幾還要搭車，所以就留下次有幾再來先，回到老師家沖涼搞掂完已經差唔多一點，明天繼續。。。。。

行完本來去飲咖啡，但最後改食老師話呢間糖水店幾時都大排長龍，今次好彩一去剛有將枱，等咗一陣條龍又長長，真係做到無停手

呢個係未建好嘅粵劇館我哋只係門口打卡

佛山市其中一個市場

老師話蛋同粟米喺圓邊落而家新爐冇咗條邊所以就改咗呢樣焗盤仔，香港我食過一次都係圓邊落可以不停添加

老師話蛋同粟米喺圓邊落而家新爐冇咗條邊所以就改咗呢樣焗盤仔，香港我食過一次都係圓邊落可以不停添加

有專人同我哋燒，仍都可以自己燒

食飽飽就行千燈糊，入面每一個景都好靚

遠遠的燈燈塔好靚