豐富午餐在海鱻城同大姐慶生晨

咁快又星期日，今日約咗家姐細妹一齊去拜老豆，下星期先去拜媽咪，去完約咗大家姐出嚟，疫情後第一次咁多人一齊出去午餐，我同細妹4月，5月就輪到大家姐同阿哥生日，之前都會同她們食飯慶祝，已經好耐未試過咁多人一齊食飯好開心，今次人多叫咗個超級抵套餐，埋單咁多嘢食都係食咗二千蚊本身個餐就係1480，我哋加咗兩個點心，原來份量都好多，落單掛住傾無留意菜單有咩，姐夫發板時有冇細心睇知道大約有啲乜，越食越懷疑不停有嘢嚟，最後食唔曬打包一人攞一啲走，本來喺嗰度切蛋糕但係要切餅費100蚊，大家都好飽最後同家姐蛋糕一齊影相就算，回家簡單返熱攞回家的食物加條菜就搞掂，開開心心又一天

呢個喺8人餐，先嚟點心幾款每人一件

其中一款燒賣點心

xo醬菜苗餃

金不換炸魚餅

另叫炸雲吞

薑蔥蒸花尾躉

文昌雞

炒飯嘔血嚴重咗

甜豆京蔥爆豬頸肉

白酒龍蝦伊麵好大碟

足料花膠湯

另叫叉燒包

甜品黑糖糕

買蛋糕送嘅超級芒果

簡單返熱晚餐

加咗啲菜炒一炒

晚餐慶舊歷生日在itamomo

咁快又星期六，今日還未開工可以準備多啲物品去拜老豆，雖然清明過咗但因為家姐對腳唔喺幾好有車先去所以無全封路有車上，爸爸喺將軍澳有巴士上唔使行太遠，照舊訂咗只豬，再準備魚，雞，肉，蛋，蛋糕麵包同齋，有時間多數自己整，如果返工無時間就會買現成，今日喺舊歷生日大囡話今晚出去食同我慶祝，估唔到又買蛋糕，因為正日她要開工又無同我晚飯，今晚阿囡提儀去食燒肉，喺家附近新開咗一間想去一試，叫她放工去睇下，如果無限就可以食住等，原來限時一個鐘，我同老公最唔喜歡太趕，咁阿囡就去搵地方，最後就去咗意樂，因為都多唔同種類，阿囡叫咗幾款主菜再加些少食一齊分享，最後叫咗我必飲的咖啡，埋單回家再切餅，阿囡提早買咗個我喜歡的芒果撻，阿妹去攞時個撻爛咗立即送叫家姐返去睇，點知話應該喺阿囡整爛先又無其它餅可以換，最後阿囡還多買一個小的，我知道有啲嬲話要投訴，她們話算啦都無得嘈，切餅時太開心唔記得影底，如果有影就去投訴下，又唔平幾百蚊個餅

小食炸雞

主菜蛋包飯無咩特別

海鮮湯飯，味道好好，啲囡話好味

都好多料

主菜-雜扒腸，豬扒同雞就喺無牛但都幾好味，老公話下次可以試呢間

小食白汁焗西蘭花

呢個蜆都好好味

咖啡喺我最愛

今年生日食最多蛋糕的一年，好開心

星期日club house同兒姨甥女一家餞行加同我哋補祝生日同

 時間過得好快又星期日，今早好忙一早起身整啲小食過去姨甥女嗰邊，整咗泰式鳳爪，海蜇同埋格仔餅雞蛋仔，11點左右就過去，姨甥女準備好多食物燒烤必食有雞翼，軟骨串獅子狗串燒蝦，秋刀魚，腩肉，金菇，菜又有魚生同象拔蚌，邊食邊傾好開心，人齊就切蛋糕，食飽飽又準備麻雀畀我哋啲老人家，保齡同桌球俾一小朋友玩，晚餐去朝廷同姨甥女一家餞行，好快又過咗愉快開心的一日

晚餐好豐富都喺兒甥女喜歡的，可惜無明爐烏頭，因為燒烤太飽晚餐無咩點食，但她們就話炒飯好特別好好味

呢度好多小食，雞蛋仔，格仔餅，提子，薯片，2個小朋友最愛

又順利完成2星期的扎肚工作

完成咗2星期的陪月工作後，接著去幫一個媽媽扎肚，呢個媽咪無請陪月因有奶奶幫手，反而搵人扎肚，我第一次接扎肚工作，雖然我第一次接但我已經幫超過十個媽咪扎有啲還扎2次，通常請我2個月都會免費扎，今次雖然扎肚工作，但呢個新手媽媽好多都唔識，奶奶都喺舊式做法，因為無請覺得餵人奶好難2日就放棄，婆婆覺得餵人奶好難一早就叫女兒放棄真可惜，當她問我點收奶時先知，當時開緊工都幫唔到，只係叫她再試如果真係想收先教她，我喜歡自然收咁將來再生再試都容易無咩問題，之後缺定就教她，一星期就搞掂，搞掂完收奶就知道他仔仔黃唔退，食得少又排唔到，正常餵奶粉退黃快過人奶，但差唔多2個幾星期都無進展，醫生就安排要抽血，照超聲波，個媽咪好擔心我就搵一日上去睇下，餵奶姿勢唔好，做掃風唔得，就教她們點樣可以餵好啲，掃風點樣掃同順便幫仔仔沖一次涼之後做一啲簡單按摩等BB容易去到大便，之後正式開工再跟下，BB後來食得好，每日2-4次大便，由50食到120到150，黃都退哂，抽血同做超聲波一切正常，今次雖然只喺扎肚但又順便照顧好一個BB好開心同埋初期個媽咪唔太識補身體好差就順便教埋她叫奶奶煲咩比她補，個媽咪好開心同多謝我，我都好開心完成應該做的事，本來接著又去幫個媽咪做2星期，呢個媽住好遠之前搵我因期唔啱，她生完搵我幫手因為生時出咗些少意外身體好差，當時教她叫陪月點樣幫她調理等我搞掂哂去繼續幫，後來講好話做到我下一個媽媽生同埋可以教埋姐姐，本來知道她好遠來回要4個鐘左右已經拒絕，但個媽咪喊哂話無人幫，可以比定先又話比埋車費，最後我都喺答應幫2星期，因為自己有個5月的媽咪生完隨時開工都想休息一下，點知上星期尾差唔多完前就再聯絡個媽咪，想攞返啲资料準備開工時容易處理，點知就話多謝我一路幫她跟她，因為姐姐下星期到唔需要我再幫忙，我就無所謂可以休息一下，其實她應該搵咗人我一路都有聯絡她，唔需要我應該早啲通知我，等我唔需要急到連星期日都做趕時間去幫她，啲朋友都話我唔應該咁上心去幫應該收定，但算啦如果做到就唔喺我啦，哈哈哈

BB完工時都肥肥白白，每餐都食到120-150

知道滿月日都照整蛋糕同紅雞蛋祝他們健康幸福

晚餐之生日在溫沙

今日自己又大一歲啦，希望家人同我都健康幸福愉快，如常一早起身準備早餐同午餐盒比老公同大女後自己食完早餐就出門，因為今日個媽媽要帶BB覆診，之前照超聲波今日返去睇報告，去到趕時間搞掂就回家，今晚本來得老公同我慶祝，點知細女話今晚可以同我哋一齊晚餐，而家收得工同我食午餐，我話今晚又出我搞掂準備回家中，叫她是旦買嘢回家食就算，今晚又出去食西餐，阿囡買咗我喜歡的點心同蛋糕回來，等老公放工就出去溫沙食晚餐，老公又送咗好大扎好靚的花比我，食完回家等大女放工回來切蛋糕同影相，開開心心又過咗愉快的一天

今晚一人一個扒餐

阿囡的肉眼

老公的西冷

我的雜扒最愛雞翼

餐前的湯同蒜茸包

餐後我最愛的咖啡

扎花好靚先影一張