晚餐同同學在尖東彩福

今日終於見返班同學，舊年疫情開始就無再出嚟，以前每月的聚餐等到今日再見，舊年中期都放闊6人有部份都唔想出，最後就無幾會再出啦，而家打針原因，有部份食肆都可多個4人，又睇下啲同學出唔出，可能真係太耐無見，而一年一次的金禮物又未攞，所以都喺出嚟，問咗呢間可多過4人，同學就定咗，估唔到都多人，只係大枱都無人，大部份都喺2-6人的枱多啲，當大家一見面好多嘢講你一句我一句都忘記叫嘢食，可能太耐無見，話題離不開打針，有2個同學剛打完第一針，我就完咗7月個job先去body check後先去打，本來book咗6月20最後因為啲囡反對咁就完工再check完先打，另外幾個就唔考慮，因為打完只係半年有效，其實每個想法都唔同，負面太多大家都擔心打完有事，事實都喺我本來都唔打算，但11月的媽咪好想我打，而我自己覺得都應該因為接觸小朋友安心啲好，跟住一人叫一個餸後又繼續講，傾下食下時間又差唔多10點，就影下相同抽金仔，今次好好彩抽到立體自己比較喜歡多個牌仔，開開心心又一晚，今晚走時專登同同學搭屯馬線返官塘，喺鑽石山專又真係好似幾快

好快就嚟咗5個餸，大家就邊食邊傾

西蘭花炒帶子

呢個幾特別蝦仁雞肉炒豆角有塊皮好似片皮鴨咁包嚟食，可惜得6塊本來剛好一人一塊，但最底果塊無紙墊又難攞，最後有個同學就試唔到包嚟食，諗住同部長講，同學話算

紅燒豆腐些少冬菇同幾條菜，豆腐就太實唔入味，有啲失望

呢個賣相好好的柚子骨，我成日整比啲媽咪食，可能新鮮肉味道比較好，我感到呢個肉味處理得唔太好，有啲好難講的味唔太好食，周邊的炸疏菜同學都話好但唔似辣椒葉，我覺得就係白菜仔的葉，臭青味重咗些

鹵水盤有腎，豬耳，豬肚，鴨脚同翼，同學話唔太入味，部份有啲硬都喺麻麻地

我叫呢半只炸雞喺晚市優惠，好似70蚊左右，差唔多食完先到，大家都忘記了，可能新鮮炸出，味道最好