快樂的馬家: 7月 2021

2021年7月25日星期日

晚餐之薑蔥煮三文魚頭

時間過得好快又星期日啦，呢個星期都喺夜差唔多晚晚都8-9點左右先回到家，呢個媽咪要求去返她那邊買，每日都寫好煮咩同煲咩嘢湯同燉湯，再安排買咩同買幾多，因為她有限每日餸菜錢，喺那裡買十蚊豬肉都可買到，所以時間要更早，通常9點前就到，希望盡量早啲返去，呢個媽咪好勁，出院到而家晚上已經無得瞓要照顧BB同餵奶，日頭我返到去她都唔洗瞓喺廳到坐，我做咁耐無媽媽好似呢個媽媽咁唔洗瞓，通常見到我就爭取時間立即去休息，其實坐月唔休息，身體好難復原，又食得少跟難好，而家還有半個月就完工，希望喺呢半個月可幫到媽咪快啲復完咁就安心完工，今日雖然休息但都係8點幾就起身，同老公簡單食完早餐就去清潔下，午餐又同老公出去行下順便食午餐，又去咗花園餐廳，老公就照舊食鐵板肉眼扒，而我就叫咗海南雞拉麵，食完就去咗樓上幫媽咪買些少嘢，順便自己買啲肉，好好彩買咗老公最喜歡的三文魚頭，真係好抵食2個都唔洗30蚊，想買多包都無，其實以前買過一次，之後就去幾次都買唔到，今次比老公見到有包，又買到羊架160蚊有2件，每件有8支平過759，今晚個個喺度食見好耐無煲湯，就煲湯，焗羊架，薑蔥煮三文魚頭炒多個菜又開餐

2個魚頭都幾多，好靚好新鮮，簡單薑蔥炆好好味

先將魚頭斬件洗淨就去煎香

2邊煎到金黃色就加入蔥頭同薑片

加入豉油同些少糖炒勻炆一炆

最後加入些少黑椒同蔥炒勻就搞掂

同老公的午餐

估唔到個雞都幾多

2021年7月18日星期日

悠閒星期日的早，午晚餐

時間過得好快又星期日啦，連做9日今日終於休息，開工的星期日無咩特別都在家休息，今日要出去同個媽咪買些少中藥，老公就話一齊出去行下，2個女都要做嘢整咗早餐比她們出門後，就同老公食完簡單早餐就出去行下，諗住買返個煎pan, 最近買的都唔得，好大煙又容易黏底，剛買的特價幾十元好平，點知都喺好差所以同老公出去再睇，最後買咗P字記得都幾好，剛做半價$169，買完同老公去咗花園餐廳食午餐，都好耐無去過，等位時都諗住一個食牛一個食第二樣，最後二個餐都喺牛非常飽太多肉，開工後因太遠每日都早出晚歸，又喺辛苦老公煮簡單快捷一煲過，今日休息諗住煲湯煮餸，最後午餐太飽老公話食多啲菜，啲女叫我哋休息下唔洗煲湯煮餸，晚餐會買嘢返嚟就可以，點知話好想食牛舌同羊架就買回來，咁就簡單醃下就去焗，簡簡單單又一餐

用新煎Pan好成功

呢個都喺反煎非常好

同老公的午餐

簡單早餐

開咗些少麵粉煎2塊餅各自包喜歡的料

新買的煎pan都喺搞唔掂，最後都喺攞返個大出嚟整

2021年7月8日星期四

晚餐之自家制XO醬炒雜菜

今日好開心個媽咪昨日順利生咗個8磅幾的肥仔，好勁早上放催生藥，下午5點幾個爸爸打電話比我報喜，應該好快開工，如果政府2日無事就出得，而家私家通常4日就出院，應該星期尾就開工，今日攞咗個煲去醫院比個爸爸先攞回家，因為湯煲用嚟煲薑水，咁唔想他們又多個就借用一個用先，去到醫院可以睇下媽咪就順便望下，今日第二日個媽咪好精神，應該星期六出得叫我安排一下，當然開心啦，跟住回家買餸回家，遲啲開工就難煮，點知買下買下又好多嘢，老公講笑話他生日，啲囡話好好味，可能太耐無煮咁多嘢，開開心心傾傾講講又一餐，8點幾突然收到媽咪信息話可能明天出得，可唔可以明天開工當然無問題，又連做十日因為星期日都照返，他們怕剛出院好唔掂，明白當然無問題，跟住快手搞掂家中嘢就準備明天開工物品

蟲草花雪耳海底椰潤肺湯

呢個薑蔥豉油蝦喺飯煲整方便又快捷

加多個星洲炒米又喺全家最愛

香草雞翼啲囡最愛

太耐無蒸魚，今晚條魚剛剛蒸得啱時間個個都喜歡

早幾日有時間炒咗啲XO醬送比啲媽咪，淨咗些少，本來今晚肉片炒，見咁多餸就唔再加肉片改用自家制XO醬炒，啲囡話好好味

2021年7月6日星期二

晚餐之蕃茄三文魚

今日還未有消息，在家都準備下開工的物品，如果今日還無動靜，明天個媽咪就入院生，遲啲開工又去好遠應該都無咩時間煮飯，今晚又煮返餐，之前買咗幾包三文魚，通常都喺煎完加啲鹽同黑椒簡簡單單，今晚就唔想咁簡單就加咗2個蕃茄煮個汁淋喺面，酸酸甜甜好餸飯個個都喜歡，簡簡單單又開

節瓜咸蛋湯

臘腸炒芥蘭，呢個都好耐無煮

蕃茄三文魚

2021年7月5日星期一

電飯煲整三杯炆豬腩肉

個媽咪今日還未有動靜，產檢後醫生話BB太大啦如果明天還未有動靜最好後天安排入院催生或開刀，呢個媽咪好叻好堅持，呢個醫生又好好比媽咪繼續等自己生，所以應該都未咁快，今晚約咗同學食飯，先準備晚餐料等老公回來跟，順便炆定啲腩肉比老公帶飯，今次喺樓上買咗2包腩肉都幾靚，三杯雞大家就整得多，有冇試過整腩肉，今次開咗包簡單用杯酒，一杯豉油同一杯配料去炆，早上烚啲菜就簡單