簡單慶祝BB 100日的大日子

時間過得好快，唔經唔覺做咗3個幾月，BB今日100日好開心，祝她快高長大，日日都健康幸福快樂，本來呢個媽咪想宴請親朋慶祝大家都開心幸福，可惜疫情都未搞掂，只可以喺家簡單食，午餐整咗幾個餸先我哋4個食，晚餐就過婆婆家打邊爐加韓燒，我都有去開心一下，媽咪只係買咗個士多啤梨蛋糕影下相簡簡單單就算，BB全日都好乖，去到婆婆度玩一陣就瞓，起身食完奶就好開心，我同姐姐，媽咪輪流抱因為無帶車仔，BB又無瞓但就無嘈喺度周圍望，樣樣對她都好新奇，到我哋食飽想切蛋糕時BB就開始扭眼瞓搞到影唔到相，跟住還車我回家先再回家感到非常唔好意思，開開心心的一日

午餐：

薑蔥炒田雞

清蒸新鮮泰安雞

薑蔥班

返脆熱辣辣燒肉，媽咪問點解咁脆

雞雜炒菜心

晚餐好豐富的韓燒加打邊爐，呢個媽咪好客氣不停餵我食燒肉，牛肉啲好嘢

有專人喺度燒好似酒店到會咁

好多海鮮，懶尿蝦，蟹，蠔，帶子，魚頭，又有田雞喺媽咪最愛，媽咪唔食海鮮婆婆專登買田雞比她食