晚餐之南乳羊腩煲後打邊爐

又一個星期啦，上星期去咗幫手出席一個講座做嬰兒護理員，主要喺教新手爸媽點樣幫BB清潔，講下點沖涼，肚臍清洗同護理，今日一早起身買湯料煲好就去老豆家同老豆飲茶食午餐，個個星期的節目就喺去老豆度，隨非有特別嘢做就去唔到，老公都會去睇下但就未必同老豆飲茶，多謝喺樓下是旦簡單食，之後就回家買餸準備晚餐，今晚阿妹嚟食飯話打邊爐，昨晚已經打過，開到聲好彩啲女又ok,咁就買咗啲羊先整個南乳羊腩煲食完先加水去食自己喜歡的，好似食麻辣雞煲咁食完加上各自淥自己喜歡的，打邊爐時間就過得最快，傾下講下又二個鐘，阿妹喺時間要回家啦，明天各人又要返工返學，開開心心又一日
細妹隨咗買魚皮，響鈴還買咗巨支橙汁

又有魚皮同羊片

老公同大女的脆鯇，但今次喺自己附近的街市買，阿女話唔似，昨晚好食啲

唔少得的肥牛同響玲，細妹今次買呢只就麻麻，唔夠鬆脆

細妹最喜歡的蝦，芝士腸同牛丸

大女愛的豆苗，今次有細女的金菇

食完第一轉

加水加喜歡的料，好似呢個搖身一變海鮮鍋有蝦有脆鯇同魚柳

將啲羊腩出咗水，白鑊烘乾加薑同南乳炒好加水浸過面炆到差唔多乾水就食得

如果打邊爐可以唔洗收哂汁，加豆卜粟米蘿蔔入去煲滾就可以食住先