晚餐之打邊爐淨餘物料做粟米三款炸魚同蝦乾魷魚炒雜菜

今日又喺一早起先搞掂各人出門後，去整咗蛋糕同麵包約咗同事食自助，好耐無見的同事話好想食我整的包同蛋糕，主要喺我整包無出面用的乳化劑同牛油，糖份少，當然唔夠出面好食，蛋糕喺用蛋白打起無加泡打粉同牛油，少糖同用欖油做，麵包就用提子核桃無牛油，整好就出門諗住有時間搭巴士一程過，唔洗又小巴再轉地鐵，點知喺尖東非常塞，最後遲咗45分鐘先到，通常我最早同攞位，今次就最遲，食下傾下啲時間就最快，又喺完各自回家的時候，回家又6點機，自己唔洗點食，點知2個女就返嚟食，昨晚就淨好多料，將三款魚加粉去半煎炸諗住整椒鹽，點知阿女話粟米汁配啲，咁好快用麵粉加牛油同新鮮粟米簡單做咗個汁，二個女就非常開心，老公就話就咁食都好好味，浸咗幾只蝦同魷魚後用嚟炒昨晚打邊爐淨的菜，再焗多個燒排骨，簡簡單單又一餐

 粟米汁拌脆鯇，青魚同魚柳

無論咩嘢魚乾身去煎炸就唔會彈到周圍喺

換咗呢個有蜂巢的不銹鋼鑊真係幾好唔痴同無咁大油煙，之前試過好多種唔同鑊都煎完成屋好大味，所以都好少煎炸多入焗爐，今次專登一試果然ok

簡單牛油麵粉，糖同鹽加埋新鮮粟米，啲女食得好開心