同女兒午餐在自家燒吧

個媽咪早二日順利生咗，應該過二日開工，比預產期早咗二個星期，以為她會早都係下星期先生，點知早二日見紅入咗院，搞到我亂哂約咗個一月中預產期的媽咪整薑醋都要改期，還有安排咗去之前完工的媽咪都要取消，本來可改呢二日但一早約咗阿女今日唔洗返同我食好嘢，最後下星期的約唯有取消，遲啲再放假先約，阿女問想食咩，對我嚟講咩都無所謂，阿囡話帶我食韓國菜，啲燒雞好好食，出咗官塘陪她搞掂哂啲嘢已經點幾，跟住行行下收到張宣傳單張食串燒自助，睇落幾好就去搵呢間嘢，喺工廠大廈入面都易搵，問下諗住睇下先阿女話唔洗睇啦，咁我哋座底後有人講解個爐點用，有咩要自己出去攞，熟食就要落單，如果單入面有價錢就要另外比，一個鐘就78加一，二個鐘就128加一，我哋就二個鐘因為未試過又唔想食得太急，跟住我就睇下都有十幾款串燒，羊，牛，豬，雞，雞翼，冬菇，粟米....另有湯，沙律，甜品同有3-4款熟食自己攞，而order紙就有炒飯，麵，菜同薯條，雞翼，洋蔥卷同幾款飲品都算多嘢食，食到好飽跟住行街行到6點幾回家煮，大女話好飽可以唔洗點食，早上都已準備好餸，就煮少啲簡單都係蒸魚，炒菜同炒排骨簡簡單單又一餐

同韓燒唔同喺每樣都串起，個爐最多放8串左右

 呢個order焗蠔，好好食有encore

 部份串燒

喺2邊發熱線，如果燒肉差唔多要20分鐘先熟，所以一個鐘就真係食唔幾多串，但就無韓燒咁大味

天使麵，腐乳通菜同蒜蓉生菜就自己order先整，所以都幾好

黑松露薯條，雞翼，洋蔥卷同魚肉豆腐，薯條就好味可以再encore

 咖哩魚蛋薯仔

 沙律同甜品櫃

 各種豬，牛，羊，雞同疏菜菇櫃

 環境都幾好

有三個凍飲櫃，可自行自取自己喜歡飲的

 晚餐簡單魚，肉同菜