晚餐之自家制咸肉糉

今日端午節，祝大家過一個端午節開心快樂
今年端午節雖然休息但好懶無諗過包糉，家姐同細妹都問我包唔包，最後因老公一句話，昨天就忙到暈，老公話連放三日不如香港新界一日遊，原來喺想去裝香比他爸媽同我媽，咁昨日就喺家忙咗一日，今早又喺好早起身整咗齋菜同預備其它物品就立即出門先入荃灣拜老爺奶奶再過西環去拜媽咪，一東一西又差唔多大半日，回家已經4點幾，二個女今晚喺到食就買餸回家先煲個湯，回想起以前做節老爺就一定花膠湯，而家就要睇下有冇人回來食先去諗煲唔煲湯，最後簡單煲咗個木瓜花生雞腳湯，自己包咗糠今晚就無煲飯，用糉代飯開開心心又一餐

 雖然簡單但都豐富

自家制的咸肉糉有綠豆，腩肉，咸蛋，瑤柱同冬菇

做節啲蝦特別貴，就喺超市買咗盒去彀用嚟炒，家人最好咩嘢都食，奶奶最喜歡做節食蝦，食咗全年就嘻嘻哈哈

 啲女最喜歡都會炒些少比她們食

 大女最愛的魚卜就買鯇魚加魚卜

 做節通常都有雞

 露筍炒雜錦齋

 煎多個蠔餅

 整一次糉又浸葉，浸糯米，豆同準備配料

最用時間喺烚糉，每次最少一個鐘，個煲最多12只要分幾次