晚餐在仕德福同大囡慶生日

今日還未開工但都喺一早起身搞掂啲女出門，本來諗住瞓多陣，老公約咗班幾十年無見的同學午餐，雖然我唔識他們但都出去坐下，老公太開心瞓唔著，咁大家就起身清潔同執下間屋怕同學話上去坐下，約咗12點坐到酒樓落場唔走唔得，各有各有事就咁散去再約，今晚又唔洗煮大囡舊歷生日出去慶祝，上綱搵咗仕德福，見啲食評幾好就去試下，真係一分錢一分貨，人流唔多，如果食蠔同長腳蟹，晚餐300幾都算平其它就一般，只係食一轉就無咩可以再返食，而我覺得百樂貴幾十蚊就好好多，龍寶做優惠都比呢間好，應該無下次，今晚6個人就有生日優惠，咁阿囡就搵咗朋友仔加埋阿姨就可以又送蛋糕，本來打算打包加$20蚊攞回家，最後因為阿囡的朋友帶咗個好靚的蛋糕，咁就食咗酒店果個，朋友仔的就攞回家，呢間可能價錢平，好多嘢都要另收，好似蛋糕攞走要加$20，吹蛋糕當然會切立即就有人過嚟話要收切餅費，無問幾錢只係立即話收埋唔切，食返酒店的那伙記已出聲話切咗，我哋話唔會食立即入返盒，感到好無引但最後大家都開開心心影相食完就回家

午餐喺官塘酒樓，啲嘢食就普通但價錢就好貴

叫左好多嘢但個個好開心掛住傾，最後食淨好多嘢

呢碟龍蝦伊麵最後就浪費了，而我晚餐又食所以都無咩食

晚餐喺酒店食，魚生唔咁食只係食咗些少長腳蟹

 人唔多地方比較細

 只係一轉長腳蟹

有焗蠔，原來喺用好多只蠔仔焗的

 熱暈行一轉已經差唔多無咩好食要再食

 生蠔好肥大，老公話食完覺得好飽無再攞

 細囡唔怕都食些少魚肉生

 每人送一只的大頭蝦，頭大無肉食

 冷盤都叫多些，但都喺一轉就唔會再食

 田螺最好味都係放低的薯茸好味

 青口阿妹話好食

 呢個一粒的雲吞真係好搞嘢

 有朱古力噴泉，細女就整咗綿花粒

 朋友仔專登訂咗呢個好靚，靚到唔舍得食