晚餐之老公煮

老公一連放4日, 自己就輕鬆好多，呢幾日食完早餐搞掂哂可以早啲出門，最近交通好亂每日返工同放工加埋要嘥4-5個鐘，好似今晚喺個媽咪到搞掂哂啲嘢都叫我快啲走，我今日未夠6點離開又喺8點幾先到，香港塞到暈去到九龍再轉車又喺塞，好彩唔洗趕回去，老公買定餸今晚又喺搖控他煮，返到去就有得食，今晚阿妹又過嚟買咗車仔餸加料，本來大家都好鍾意食的豬腸，我就唔喜歡因為我喜歡自己整無咩味的，今晚老公食一件都立即走入廁所話頂唔順，跟住啲囡更加唔食叫阿姨下次唔好買，食慣咗我整無米田共味的好難接受出面，哈哈哈，有啲人就喜歡果啲味，好似我姐夫有次嚟我到剛整豬腸，他就話我唔應該清得咁乾淨無哂味，今晚又有燻鴨，喺姪仔專登喺大陸買過嚟，而家好難食到用茘枝燻的，但今晚呢只老公就話好食，其實我就無咩講究，有得食就得哈哈哈，老公買咗茄子話蒜茸蒸，我同他講蒜蓉啄碎加鹽撈勻搽喺茄子面蒸15分鐘就得，點知老公好叻改用牛油同去焗，個個話好食，開開心心又一餐

晚餐之咸蛋皮蛋煮有機紅莧菜

一開工就好忙，而且路途搖遠，每晚都8點幾有時9點先返到，晚餐就好是旦，而且好趕又去超市買嘢，最近豬肉價格好離譜搞到超市啲凍肉返到去太夜都無哂，多數一煲過煮麵加丸同菜就算，老公喺公司攞咗紅莧菜返嚟，昨晚去咗個媽媽到無煮，老公又放幾日可以幫我買餸，返左大半個月今晚唔洗太遲走啦，可惜塞車塞到回家又8點半，好彩老公休息簡單蒸魚炒菜同斬料，話無湯唔記得有莧菜，快手加個咸蛋同皮蛋滾左就有湯，開開心心又一餐

今日整咗個蒜泥白肉比媽咪一家食

簡單開咗個蒜茸汁，呢個媽媽話好好味問我攞食譜，我同她講只係用醋加糖加蒜茸加豉油撈埋就喺咁簡單

晚餐食pizza

今晚放工去咗之前完工的媽媽家，因為無啦啦發燒睇咗醫生，醫生話應該係乳線炎所以燒，媽咪又因為家中事好煩心，我放心不下都係過去睇下，放工就立即過去因為遠去到都差唔多7點半，BB已經3個半月好得意，肥肥白白真係唔同哂，呢個仔好乖食得又瞓得，記得完工滿月差唔多重2kg, 成日笑好開心，記得差唔多完工時他都已經識跟聲轉好叻叻，媽咪話他唔幫手唔埋身所以塞，呢個媽媽好好又客氣叫定pizza我去到就立即有得食，食完睇下好彩唔係太嚴重，同仔仔玩下再幫媽咪按完再安排個工人姐姐煲通草消炎茶，話咁快又十點想坐多陣怕回家又夜同媽咪講聲換衫就走，點知呢個媽媽好體貼已經叫定車比我回家，怕我夜明天又開工，走時又比利市講咗話唔攞，最後因為她一句話 “唔攞以後有咩都唔咁同我講” 最後就攞咗，又送咗盒台灣手信芋泥卷，做咗咁耐都未試過有個媽媽咁體貼真係好開心

父親節的晚餐

開工的日子過得特別快，早幾日正式開工，雖然返咗幾日但已經覺得好耐，大家都好開心多咗個新成員，呢個BB 頭二日唔喺點食，第三日回家後都係食少少就瞓4-5個鐘都唔起身食，就叫媽咪辛苦啲因尿太少又好黃，努力之下阿仔已經食到60-80ml三個鐘左右, 媽咪好努力搞掂她塞奶問題同上好奶，成功第6日已經有120ml好開心
好啦今日喺父親節祝願天下父親有個開心快樂的父親節，今早又喺一早起身買湯料煲湯後就去同老豆飲茶，飲完又喺買餸回家煮，呢幾年香港發生的事好多令到好多家庭都唔開心，資訊太發達可能真係唔係一件好事，但好多嘢都唔到我哋控制，祝願香港和平每個家都開開心心，為人子女或父母都應該互相體諒唔好太堅持才會有幸福快樂的家同香港，今晚又喺簡單煮，開工後晚晚都差唔多8點後先返到，都係簡單食粉麵，今晚齊人就買蝦同班煮餐好，開開心心又一餐

 阿妹專登買咗我老公最愛的鹵水鴨一齊開心下

自家制蛋黃油去濕疹

休息咗幾星期，好開心好快又開工啦，個媽咪順利生咗仔仔差唔多7磅祝她們母子健康快樂，早幾日有時間又學人整蛋黃油，主要喺個同學仔好重濕疹，她見到有人講話好得，她問我覺得點，我當然唔清楚啦又問難唔難，我諗都唔難而家整完覺得只係成屋煙同好大味，如果真係幫到手我唔介意去整，今次喺試整同比同學試下而自己又留咗些少，真係想試下喺咪隨左濕疹其它都可以，今次用咗6只蛋黃去整差唔多有30ml, 只係用咗20分鐘左右真係好簡單如果有用真係好方便

材料：6只熟蛋黃

 要用一只鑊，唔好用易潔黃

6只蛋黃放入白鑊（意思喺要乾身無水無油）

 將蛋黃用鑊鏟禁碎

全程用大火，要小心鑊開始熱，蛋黃碎會再圍彈

 開始變深黃

 當開始黑煙就會好大

 全黑時更大煙

 開始會見到油

 周圍就有好多蛋黃碎，小心彈出會整親

 將油隔起放涼後就可入樽

晚餐自助餐之同老豆慶生日同父親節在九龍城富豪酒店

又星期日終於可以瞓到9點先起，因為今晚同老豆食自助餐慶生日同父親節，所以唔洗煲湯趕出去同老豆午餐，昨晚同啲同學玩到好夜點幾先散，清潔完又2點幾，連續2日早起早出都無咩時間休息，今日終於喺家休息到4點幾先出老豆到同老豆出九龍城富豪，今晚人好少6點開始到10點，我哋5點半左右到，服務員好好比我哋入去坐住等，今晚雖然人少，但食物都好足服務又好好，本來528加一最後還幫我哋用盡優惠，最後每人都唔係唔洗400蚊都算好抵食，比我哋上星期喺仕德福好好多，而姐夫就覺得最好百樂因為有生蠔好啱他，而我哋就覺得好多嘢食，實在太多都好多無食，今晚好開心老豆應該喺第二次食，雖然食唔多但好開心，大家邊食邊傾又影相，雖然食到十點，因為明天又開工返學的星期一，所以8點半左右老豆家姐都先回家，我哋就食到9點先走，開開心心又一夜

長腳蟹好大只

甜品區

 羊架，龍蝦

 蟲草花燉雞湯

呢只巨蝦炸完還好大只，老公話食二只都飽哂，哈哈哈

 每日送半只明太子焗龍蝦

 魚生好肥美

 最喜歡的士多啤梨雪糕

晚餐之露筍炒臘腸

而家唔洗返工都唔知忙咩，一早起身整早餐，午餐盒搞掂各人出門都喺7：30，今日雖然星期六，老公唔洗返但女要返，咁早起整早餐比女兒食完出門，本來可以去瞓一陣，但要去攞返個證件同準備晚餐的湯同餸因為又有同學嚟晚餐，去咗街市買咗湯料同餸回家煲咗湯，搞好啲餸就叫老公起身食啲嘢就出去，以為好快就搞掂只係攞證點知等咗個半鐘，好多人先攞號碼等叫11點等到差唔多1點，好彩趕收工最後半個鐘全場櫃台做哂出證先快，有成百幾人等攞證，原先得2個櫃台做，最後好似有6-7個櫃台，攞完食啲嘢再補啲餸就回家，剛好他們都到，大家開心一邊傾一邊食小食跟住打返幾圈等人齊就開飯，最開心就係成班人一齊傾一邊食一邊飲紅酒，開開心心又一晚

 其中一個同學的仔突然話過嚟，立即加多呢個露筍炒臘腸好惹味原來個個都喜歡

簡單用酒同鹽醃一醃再去蒸25分鐘，同學話好嫩滑好好味

 燒排骨配粒粒鮮茄仔剛好中和油膩感