開咗幾日工非常忙碌，今日一早起身整好早餐，午餐盒就準備今晚的大餐，因為開咗工無咩時間準備，昨晚已買定餸同整定部份嘢，舊年因為身體唔舒服最後取消倒數活動，今年好彩有老公幫手，因老公收早，回家後幫手準備，我準備咗羊腩煲，煲咗椰子雞湯，醃定香草雞翼，明爐烏頭，美國回來的同學想食薑醋，整咗細煲，但味道就唔太夠，再買好哂打邊爐的物品，因我回家路途搖遠，大部份老公都幫手洗菜，返熱熟食同焗雞翼，回家已經8點，啲同學全部都到哂，就拿拿淋搞埋其它就開餐，邊飲紅酒邊食邊傾等倒數，每個同學都帶啲嚟所以非常豐富，餐後還有阿妹帶來的布甸同糯米糍，而同學就帶來巨大的意大利蛋糕，通常聖誕節就會食，熱熱鬧鬧迎2019
檸檬明爐烏頭
豬腳薑，雖然唔夠味，同學就話好好味還裝回家食
倒數的準備
芒果布甸
意大利蛋糕
沒有留言:
發佈留言