晚餐之雜錦煲

又星期三啦，真係好忙一早返到做到無停手，先清理昨晚的餐具，洗奶樽煲水沖炒米茶，煲薑水洗手同準備媽咪隨時抹身用，如果阿b未食或食完奶就掃風同清潔，因為開始大容易出奶癬，用熟水清潔好快就消，12朝後因太多人抱完，呢個囡好叻，抱住就瞓得好，但一放落床就嘔奶或減，真係好難做嘢，所以都盡量做，好彩自己快手快腳，早上比較忙本來返十點三，通常9：30左右就到，先煲湯可以比媽咪午餐時就有得飲，跟住燉湯，午餐同晚餐料，食完午餐就同bb沖涼後比媽咪餵奶自己就去食午餐，有時太忙都無食，跟住就洗bb衫後搞掂剛好媽咪餵完就處理bb，bb通常沖完飲奶後就好些少會瞓，呢個時候就準備晚餐，有人幫手就準備好講聲就得，但無人就大部份煮好比她們返熱，只有菜食時先炒，正常收5：30但收工如果餵緊就幫完先走，今日下午有人嚟影相就更忙搞搞下又6點幾先走好趕買餸回去已7：30，平時啲囡唔返嚟食同老公就一煲過，今晚二個囡都話可以返嚟食就加多條魚，啲蝦收工價好抵就買同燒味，快快手手又一餐

 無湯最簡單就一煲過，啲湯都可以飲

Bb食飽後比人點搞都唔醒瞓得好好，攝影師最喜歡可以快快手影完收工，我就唔太喜歡張張都瞓著

假日的早午餐

星期日可以休息一下，本來今日屋苑旅行，啲囡都專登請咗假，準備倍我哋，點知抽唔到，咁就book咗食自助餐，最後都取消咗，因為大囡要傾project,忘記咗改一家去食自助，啲同學提早傾就覆話無問題，本來想瞓晏啲，但最後都喺起身煲粥，炒麵叫她們起身食完，她們就出去，我同老公無所事事，因為又通知咗老豆她們今日唔過去，下同老公去飲下午茶食飽啲今晚唔洗煮，點知細囡話可以返嚟食完先回校，細妹又問今晚有冇飯食，最後就買嘢回家打邊爐，又喺忙碌的一天

 

呢個喺阿妹最愛的核桃提子包，阿妹影要我放呢張

喺陶寶買咗部機好失望完全用唔到，啲粉同圍飛，最後又搞到周圍麵粉，麵糰又掉哂出去，捧位食哂粉清理唔到

晚餐之蟹宴

又星期六啦，呢幾日都好忙只係星期二晚正式煮一餐，呢幾晚啲囡無返嚟食，我同老公就簡單一煲粉麵或湯飯，星期一bb去健康院，上星期六出院都唔太高，但星期一去健康院就過200，令到媽咪好擔心，心情好差，我只有不停開解令她可安心些，因為姑娘同她講，如果醫生睇完可能要轉介去醫院，好彩醫生睇完話可以唔洗去醫院過二日再去，所以好忙又去健康院啲時間就唔夠用，有時搞到6：30或七點先走，所以返去都係簡單滾一煲是旦食，星期五請咗半日假因二年前話我有事，就轉介去醫院睇完就排咗今日睇，本來開咗工唔想去睇但家人就嘈我，我本想改期但又等二年，點知去到等咗三個鐘話應該照咗先覆診，但未照就覆診，她話我點解當時唔問清楚，我當然有問，但啲識員話醫生安排照跟日期就得，咁她們邊解釋邊講話當無嚟過再等下星期一照完再比期我，真離譜我喺到嘈有冇搞錯，等咗三個鐘叫我走，最後醫生話照比個期我，如果星期一照完無嘢就跟覆診期回來睇報告，如果有事就會通知我回來，搞到果日又浪費半日返到去好急趕哂所有工作又七點幾先走，今日剛好12朝又好忙同好熱閙，忙到連午餐都無食，平時的工作剛好，如果囡囡乖還有幾會休息，所以12朝會更忙煲更多的薑水洗頭，沖涼，燉魚頭湯，煮雞酒，煲薑醋，今日老公唔洗返就唔洗趕，老公會幫我買餸預備好，到走時老公話啲囡唔返嚟食，買咗好多蟹，唔蒸魚，點知阿妹上嚟就蒸返條魚，老公煮好等我返去，返到去就叫食住蟹先，搞到唔記得影其它，哈哈哈食蟹都食飽哂

 二大碟蟹食到飽，其它都唔洗食

媽咪的媽媽同一位表姨比利市我，話今日辛苦哂

 早日整比媽咪食我墨魚滑釀海參

今早啲花開得更靚

晚餐之沙嗲粉絲牛肉

上星期六剛完十月的媽媽，因為11月的媽媽早咗2星期，13號已經生咗星期六過咗去跟咗幾個鐘，星期一正式開工，一開工通常都好忙，因為媽咪塞奶幾會大，又喺第一個比較緊張，先搞掂媽咪餵奶，跟住教家人留意bb床要注意咩，換片餵奶...等，準備午餐，晚餐，燉湯同湯，同bb沖涼.....等，通常頭星期辛苦啲，跟住大家習慣咗就會好好多，今晚啲囡有時間返嚟食，回家就立即去超市，街市通常都收咗，買咗牛肉啲囡最愛，買咗只雞老公最愛就回家煮，今早已煲定湯先出門快快手手簡簡單單又一餐

 簡單牛肉加菠蘿，洋蔥炒一炒

返到去第一時間清洗只雞去頭尾用酒同鹽抹勻雞就入蒸爐25分鐘就搞掂

星期一的週年花已經開咗

 今日的花開得更快更大

晚餐之打邊爐慶祝結婚29週年結婚紀念日

時間過得好快，唔經唔覺同老公結婚已經29個年頭，早二年都會約班同學嚟家打邊爐慶祝，舊年剛參加咗保良局盤菜宴，今年的盤菜宴昨晚食咗，我喜歡熱鬧就當好多人同我慶祝，哈哈哈好開心，今日又唔確定需唔需要去新媽媽到幫手，所以無約班同學嚟，今早老公去家姐到整嘢，下午就一齊出去同老豆飲茶，飲完茶諗住啲囡唔返嚟食，就老公去行下食完晚餐先返，點知大女call我哋話陪我哋食飯，細妹記得還買咗蛋糕話上嚟，有個同學都記得話上嚟，最後就回家買餸打邊爐，又過咗個開心快樂的結婚週年

呢條喺冰菜，菜檔話打邊爐好好味，但未試過當然唔買，送咗條比我，好得意真係幾好食，又爽脆好特別無問價，如果唔太貴下次可以買

老公每年都喺一定買花，以為今年無時間唔買，幫家姐搞掂完就買返嚟跟住就出老豆到

 阿妹買嚟的蛋糕，好好味

今晚開得好靚

提早慶祝結婚29週年在保良盤菜宴

今日完工啦，咁快又完成一個月的工作，好開心阿仔出世3.4kg, 一個月打針有5.135kg好勁，呢個仔好食得，如果唔係咁有規律指定時間做好似一間公司咁，呢個仔喺好乘好好湊，無論點都算有成積，好彩最後一星期每日爭取到半日比我自己控制同清楚知道阿仔點，今日阿仔好乘無咩扭而且好順利搞掂，完工時有信同收工利市，又影相好開心，希望他們一家幸福快樂，仔仔健康快樂，跟住就過去11月今日出院的媽媽睇下，幫下手教下點換片，餵奶要注意的事項，一搞又三個半鐘又趕去食盤菜，明天又係我同老公結婚29週年結婚記念日，本來只得二張飛同老公去，點知老公有同事唔去比咗我哋，二個囡知就退哂嘢陪我哋話提前慶祝，因她們好忙唔得閒，今晚好開心盤菜都好食，還有好多歌星嚟助興，有胡楓，汪明荃，朱咪咪....最好笑喺朱咪咪唱中國人，笑到我抽筋，又買咗啲禮品包，餅其實都係捐些少款，雖然有抽獎我哋都無份，但就過咗開心的一晚

盤菜都好豐富

但好減食咗啲就加水再煮好好多

 今次又有差唔多三百席勁

朱咪咪增加唔少歡樂

胡楓好勁還能跳夠氣

支持環保我哋自己帶碗筷

可能個個都肚餓唔洗半個鐘就清咗一大半

 還有啲喺唔識的歌手

 汪明荃一出就好多人大叫

歐瑞強走路過當然要留影，人太多都影得唔好

 今日走時同媽媽，仔仔影反張

 滿月那天都喺整咗蛋糕同紅雞蛋比她們

 多謝她們比我的信同利市