晚餐水上人搞的滿月飯在西貢洪記

昨日Bb滿月啦，又一早回去準備洗頭同沖涼水比媽媽，因為她們今天先擺滿月酒，我自己就整咗紅雞蛋同蛋糕比媽媽同囡囡祝她們身體健康，囡囡就快高長大，幸福快樂，今日以為唔洗整晚餐有時間去完健康院就晚上未去酒樓前可以包裝部份湯包先，點知忙到好遲先落酒樓，早上太爺同孫女頌經，以為佛教又以為水上人的習俗，最後原來喺天主教，她們全部人去酒樓飲茶食飯，bb同媽咪當然無去煮咗黃鱔飯做早餐，跟住就趕快準備燉湯，湯同午餐，因1：45又去健康院打滿月針，食完午餐1點就出門，又見姑娘，打針同見醫生，點知囡囡啲黃退得唔多，個機唔知喺咪有問題，115, 145又125, 醫生見意下星期再回來睇，話重得好應該無問題，到時再唔退先抽血，或者呢二日可先安排抽血，要媽咪自己缺定，當然抽血安心啲，最後叫醫生寫紙，而我就快又完工，我都希望處理好先完工，囡囡好乖雖然肚餓都無嘈可能喺街，回到家已經4點幾趕快同她沖涼後立即飲奶，阿囡已咸到拆天，搞掂完囡囡比媽咪餵奶，就去準備包餃子比媽咪做下午茶，洗奶樽，洗Bb啲衫同好多毛巾，雖然我喺唔包，但都唔想媽咪太辛苦，又同囡囡掃風，搞搞下又七點同囡囡換咗衫就去酒樓，西貢好多人專登嚟食海鮮，我都係好多年前食過到現在，好失望樣樣都好差，貴得嚟唔值，個媽咪喺唔想搞，但老爺搵日睇日子訂埋枱，個媽咪無諗過又咩都無準備，好彩之前有人送咗衫仔，我就早幾日搵咗幾套靚衫去洗乾淨，今晚就有新衫見人，好耐都未試過飲滿月，而且還十圍真係好誇張，她奶奶話以前擺足6－7日，而家已經無，個bb還要帶曬人哋送來的金器好搞笑，好似結婚咁，好彩唔太多唔係就幾辛苦，一個剛滿月的Bb帶住咁多嘢，食完又十點半搞掂哂就立即走，明天又要早嚟因又去醫院抽血，回到家真的好攰由早七點出門到回家已經11點半

呢圍無湯專登加燉湯要多加千幾，個媽咪話唔值，味精湯無飲

 椒鹽瀨尿蝦，大只但唔好味

 燉湯唔係碗碗有只鮑魚仔

 西蘭花炒吊片，可能只得呢樣菜，最後淨低吊片

 蝦伊麵，因無龍蝦改咗我覺得啲蝦麻麻，最後又喺淨咗啲蝦

呢條魚好大可惜蒸得好差，肉唔離骨，啲人只係食起到的

呢個鮑魚就咁睇都唔吸引，食就一般

呢個扇貝又喺唔太熟，肉又喺起唔哂

雞好肥而且見紅都唔咁食

呢個海鮮飯好似將食淨啲嘢去炒咁

場面好熱鬧

氣氛非常好，好熱鬧好開心

部份金器

頌經的物品

 個Bb帶住咁多嘢，媽咪話好搞笑

我昨日做的紅雞蛋同蛋糕，蛋糕話好好味