完工日老公準備的晚餐

話咁快又完成個多月的工作，雖然初期好多事都唔順利，最後都順利攪掂哂，媽媽以為自己無奶，經過我不停的按同配合湯水再加上媽媽的努力，最後媽媽成功全人奶，阿囡滿月都重咗0.6kg, 我湊咗十幾個Bb，呢個重得最少通常都差唔多重1kg, 最勁果個重2kg, 通常最後一日都好忙，清哂所有嘢，交代完所有嘢，走時又六點幾七點，好彩老公放早，就幫我買魚同菜，肉同湯就今早出門前已準備好，知道都會遲走因為呢個媽媽無人幫手，明天一早都會過嚟，義務去幫她帶個囡同幫手搬啲嘢去天水圍她媽媽的家，今晚返到去已經差唔多八點，老公已炒好菜，我就放魚同肉餅入蒸爐還有時間沖涼先食飯，呢個星期好忙又打針，又抽血，囡囡好扭計，呢個媽媽話晚晚都無得瞓，估唔到呢個媽媽好有心，還寫咗封信同比咗收工利市還寫咗好多嘢，食完飯先有時間睇，睇到封信諗起第一日開工的情況，真係好辛苦同好攰，晚上回去都喺是旦煮嚟食，其它嘢就有老公幫手搞掂晒，無論點都好開心完成任務，希望媽媽同囡囡都健康幸福快樂