同女兒午餐在滿屋

開始休息都好似好忙，昨日陪剛完工的媽媽返天水圍，因為她在奶奶家無人幫手無人煮食，呢個囡囡每次出門都招風雨，她爺爺就話喺貴人出門，哈哈哈，出門真係好狼狽又大雨又抱住囡囡又攞住好多嘢，路途都好遠坐的士都幾百蚊，去到她外家搞掂好啲嘢食咗午飯，她們就出去買些Bb用品，我就幫她們睇住，再睇她們同囡囡沖完涼又差唔多五點就回家，天水圍真係好遠我搭咗個半鐘車先回到家，今日又去陪灣仔媽咪的仔仔打四月針，之前講好如果休息就過嚟陪他，媽咪就返工我同她奶奶老爺去，她們唔熟悉之前都係我同媽咪去，搞掂完話叫我食完午餐先走，但剛二個女都有時間陪我午餐就約咗她們出銅鑼灣，叫她們食住等，她奶奶話好彩有我如果唔係就好la Hi 阿孫喊她就會手忙腳亂，今次打二支，左右腳見到針已經腳軟，我叫她唔洗驚，阿仔都好乖喊完都收聲，搞掂完就立即去同囡食午餐，幾個月無嚟滿屋又裝飾下唔同哂，食物種類又多咗，服務態度一樣咁好，此中食放題都一定過去銅鑼灣呢間，感覺食物新鮮，同啲囡傾下講下好開心，今次多咗我妹妹一齊，啲女話下次一定要同老豆一齊嚟應該更開心

叫的食物已好多，今次無出去攞其它

 海鰻喺細囡最愛，長腳蟹就我之愛

 脊消的我更愛，喜歡果種味

 生蠔炸得外脆內軟，細女食唔停

 芝麻雞翼又係大家叫完再叫的

羊架就只有我哋三個，我妹最怕她的騷味

 要講下今次新嘢，花膠冬菇掌，真係好似酒樓食咁，好多花膠我們每人都食一煲，如果唔係太飽一定食多次

 紫背天葵都好好飲入面有椰果

 肥牛煲喺大家都喜歡的

呢個又喺新叫做泰式瑤瑤海鮮煲，樣樣有啲，味道都幾好

 內有蝦，蟹，青口每樣小小

最後每人可以選擇一款自己喜歡的口味，我妹有福今次有榴槤味