晚餐之無骨海南雞飯

今日放假唔洗返，個媽咪因有事叫我休息，遲一日先完工，無啦啦有日假諗住九月有時間去報讀全日班，點知都無樣啱，想讀的又報唔到，之後都喺食完午餐就回家，入到一間越南餐館已經二點半話有下午茶，見有無骨海南雞飯就叫嚟試，點知見到張單唔係下午茶價，就問點解咁貴，原來下午茶的海南雞要到3點先有，真特別其它都喺二點開始，只有海南雞要三點，最後叫咗碗粉，一碗粉加杯咖啡$36都其實好貴而且好少，食咗都唔覺食咗，食完去買咗全家都喜歡的鰂魚粉葛去煲湯，又買咗只雞自己整海南雞飯，雖然買唔到香芧，家中有香芧粉，跟住回家見還早就開咗麵整包，以為家有吞拿魚，最後都係腸仔包同自己最愛的椰絲提子包，整下呢整下路時間真係好快又七點，蒸魚炒菜又開餐