晚餐之蒸焗爐之秋刀魚

又星期六啦，時間真係好快好快，今日更加忙碌，因明天放假都會準備定早，午，晚，湯同燉湯比媽咪明天簡單煮，所有食材洗好切好，湯的料入煲加水煲就搞掂，餸大部份都係蒸或簡單炒，午餐媽咪想早食因為二點左右有朋友到，通常我都準備一些小食，今日整咗雞翼同粟米還有最重要的豬腳薑，今晚就整咗手撕雞，肉碎炒蕃薯苗，麻婆豆腐同蝦仁菜心腐皮卷，木瓜大魚尾湯，五點左右啲人走啦，諗住攞燉天麻湯，但好失敗原來忘記按制，最後要再等媽咪話唔緊要，她自己會去飲，繼續搞完哂所有工作先走，所以更遲好彩老公幫我買定餸同準備好，咁返去只喺煮就更快，阿妹話過嚟食無買她會食的魚，只買咗秋刀魚但她唔食，就煮咗她喜歡的肉餅，但今次就雙蛋去蒸她話好好味，飯後就食阿妹買嚟以為芝士蛋糕的芝士雪條，幾特別但味唔覺好芝士，但阿妹就話太重味唔好食，真係個個口味都唔同

今次入蒸焗用咗熱風對留去焗，好脆身好好味，唔洗去煎搞到成屋好大油煙味

個盒的樣令阿妹以為喺芝士蛋糕，其實係雪條