端午節的豐富午餐

時間過得好快，又喺一年一度的端午節，喺度祝大家端午節快樂，今日媽咪放我家，所以星期六好忙，因為預備三日的早餐(冬菇雲耳雞飯，蟲草花雞飯，魚柳飯)，二日的湯(核桃雪耳排骨湯，椰子雞湯)同燉湯(北芪黨參當歸燉雞)再加7個餸(薑蔥蒸雞，蒸烏頭，魚柳蝦仁炒絲瓜，釀節瓜，香芧豬扒，蝦仁雲耳冬菇腐皮卷同糯米小丸子)，今日二個女晚上都有事做，咁就改中午一齊食午餐，啲女話昨日無飲茶，午餐提議出去飲茶，老公就唔想而且今年好多糉要食減啲，我做嘢個媽媽的奶奶好客氣送咗四個大糉話好好食，年年都同呢間買，順便送我幾個回家同家人分享，細女補習的又送2個，大女的朋友媽媽有整又送四只過嚟，今年唔洗包都有得食，一早買咗鰂魚，粉葛去煲一個味的去濕湯，喺全家最愛，跟住每款糉蒸啲，炒個菜同自己包的腐皮卷，再焗些少魚又開餐